Basa Kawi
Basa Kawi nyaéta salah sahiji jenis basa anu pernahna tumuwuh di pulo Jawa dina mangsa karajaan-karajaan Hindu-Buda, dipaké pikeun nulis karya-karya sastra.[1] Dina tradisi Jawa basa Kawi ogé disebut basa Jawa Kuna, anu mangrupa basa Jawa Kuna murni nu dipangaruhan ku Basa Sansekerta.[1] Istilah kawi ogé miboga harti penyair, sedengkeun karya sastra anu dijieun ku penyair disebut kakawin, anu mangrupa wangun puisi sarta sajak.[1] Basa Kawi mimiti dipikawanoh dina mangsa Karajaan Singasari di Jawa, sedengkeun anu leuwih anyar ditimukeun dina mangsa Karajaan Majapahit ogé di pulo Jawa jeung Bali, Kalimantan jeung Sumatera.[2] Basa tumuwuhna saluyu jeung tumuwuhna kahirupan manusa.[2] kitu deui basa kawi, basa kawi anu digunakeun masarakat Jawa saprak abad ka-1 nepi ka abad ka-15.[2] Dina abad ka-1 nepi ka abad ka-6 masih kénéh dina tutur lisan.[2] Basa Kawi kapangaruhan ku Basa Sanskerta nepi ka 45%.[2] Mulai abad ka-7 nepi abad ka-15 basa Kawi dipaké dina basa lisan boh tulis.[2] jadi ti mimiti abad ka-16 nepi ka ayeuna anu dipaké nyaéta Basa Jawa kiwari anu mangrupa pengembangan tina basa kawi.[2]
Referensi
[édit | édit sumber]- ↑ a b c (id)Bahasa Kawi[tumbu nonaktif] (diaksés tanggal 14 januari 2012)
- ↑ a b c d e f g (id)Tembung Jawi[tumbu nonaktif] (diaksés tanggal 14 januari 2012)
|
Artikel ngeunaan basa ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |