Basa Sunda Jasinga
| Sunda Jasinga | ||
|---|---|---|
| ᮘᮞ ᮞᮥᮔ᮪ᮓ ᮏᮞᮤᮍ | ||
| Dipaké di | Indonésia | |
| Wewengkon | Jawa Kulon (kacamatan Jasinga) | |
| Jumlah panyatur | ||
| Rungkun basa | Austronésia | |
| Aksara | Alfabét Latin Aksara Sunda Baku | |
| Status resmi | ||
| Basa resmi di | ||
| Diatur ku | Lembaga Basa Jeung Sastra Sunda | |
| Kode-kode basa | ||
| ISO 639-1 | Teu aya | |
| ISO 639-2 | ||
| ISO 639-3 | – | |
Basa Sunda Jasinga (Aksara Sunda Baku: ᮘᮞ ᮞᮥᮔ᮪ᮓ ᮏᮞᮤᮍ) nyaéta dialék basa Sunda anu dipaké ku urang Sunda anu cicing di kacamatan Jasinga di Kabupatén Bogor sabelah kulon.[1] Dialék ieu boga kadekeutan jeung basa Sunda Banten,[2] nyaéta bersipat égaliter jeung teu meunang undak-usuk basa, ieu béda jeung basa Sunda standar atawa dialék Priangan anu boga undak-usuk basa.[3]
Panalungtikan[édit | édit sumber]
Anu jadi kasang tukang dina ieu panalungtikan Hari Sakti (2018) nyaéta Jasinga miboga ragam basa anu dipaké, ditambah deui kacamatan Jasinga anu padeukeut jeung propinsi Banten. Ieu panalungtikan miboga tujuan pikeun mikanyaho pemetaan anu aya di kacamatan Jasinga, Kabupatén Bogor, Jawa Kulon. Métode panalungtikan anu digunakeun ku panalungtik nyaéta métode déskriptif kualitatif kuantitatif. Obyék panalungtikan nyaéta masarakat kacamatan Jasinga. Instrumén anu digunakeun dina ieu panalungtikan nya éta panalungtik sorangan sarta dibantuan ku ngagunakeun 200 kecap dasar Swadesh, 40 kosakata bagian awak jeung 9 kata ganti, sapaan, jeung rujukan. Masalah naon anu ditalungtik nyaéta pemetaan anu aya di kacamatan Jasinga. Hasil panalungtikan nuduhkeun yén dina ieu panalungtikan loba etima, ku kituna bisa disebutkeun aya variasi dialék di kacamatan Jasinga. Salain ti éta, hasil panalungtikan ieu nuduhkeun yén aya gejala parobahan sora anu disebut aferesis, prostésis, sinkop, paragog, jeung éntésis. Gejala basa anu dominan dina konteks hiji etima nyaéta pasangan minimal.[3]
Distribusi géograpis[édit | édit sumber]
Masarakat kacamatan Jasinga ngagunakeun basa Sunda minangka basa paguneman sapopoé. Kusabab lokasi Jasinga padeukeut langsung jeung propinsi Banten, ku kituna teu bisa dipungkir yén distribusi basa di Banten ogé sumebar di kacamatan Jasinga. Téori-téori ditétélakeun di luhur dipaké pikeun mikanyaho ngeunaan variasi basa Sunda Banten di kacamatan Jasinga.[4]
Wewengkon anu ngagunakeun dialék ieu ngawengku wewengkon urut kawédanan Jasinga, diantarana kacamatan Jasinga, Tenjo, Parungpanjang, Cigudeg, Nanggung, jeung Sukajaya. Kitu ogé wewengkon di Banten anu deukeut jeung dialék Jasinga nyaéta Rangkasbitung jeung sabudeureunana.[3]
Kekecapan[édit | édit sumber]
Instrumén anu digunakeun dina ieu panalungtikan nya éta wangun daptar patarosan. Angkét ieu ngandung 249 kosakata, kalebet 200 kosakata dasar Swadesh, 40 kosakata budaya dasar pikeun bagian awak, jeung 9 kosakata budaya dasar pikeun kecap gaganti, salam, jeung rujukan.[5]
Rujukan[édit | édit sumber]
Catetan suku[édit | édit sumber]
- ↑ Hari Sakti (2018), hlm. 2.
- ↑ Hari Sakti (2018), hlm. 3.
- ↑ a b c Hari Sakti (2018).
- ↑ Hari Sakti (2018), hlm. 18.
- ↑ Hari Sakti (2018), hlm. 22.
Daptar pustaka[édit | édit sumber]
- Sakti, Hari (2018). Pemetaan Bahasa di Kecamatan Jasinga Kabupaten Bogor Jawa Barat: Sebuah Kajian Dialektologi (Sarjana thesis). Universitas Negeri Jakarta. http://repository.unj.ac.id/1237/1/Skripsi%20Hari%20Sakti%202125140274.pdf.