Lompat ke isi

Bekam

Ti Wikipédia Sunda, énsiklopédi bébas
Terapi bekam

Bekam nyaéta téhnik ngubaran ku cara nyedot tur ngaluarkeun getih anu kacampuran ku toksin atawa oksidan dina awak.[1] Dina istilah medis disebutna Oxidant Release Theraphy atawa Oxidant Drainage Therapy, sedeng populérna détoksifikasi.[1] Ieu istilah mimitina tina basa Arab, Al-Hijamah anu hartina ngaluarkeun getih kotor.[2] Sedeng kecap bekam asalna tina basa Melayu, malah di Indonésia mah dipikawanoh ogé istilah kop atawa cantuk.[3] Métodena ngagunakeun pakakas cawan, kop, atawa tabung, prosés mimitina nyaéta ngekopan (nyiptakeun tekanan negatif, dina cawan, kop, atawa tabung).[3] Sabada éta bakal aya prosés drainase getih kotor anu dibarengan ku toksin tur ngaleungitkeun adhesi jaringan ikat.[3] Getih beresih ogé bakal ngamalir deui kana bagéan luar kulit jeung jaringan otot anu saméméhna ngalaman proses stagnasi.[3] Ngarangsang sistem syaraf perofer, nyiptakeun éfék analgetik, ngaleungitkeun pathogen angin tiis atawa angin lembab, jeung ngaluarkeun racun.[3]

Sajarah jeung Kamekaran Bekam

[édit | édit sumber]

Bekam mimiti dipikawanoh kurang lewih 4000 taun saméméh maséhi, nyaéta di Karajaan Suméria, tuluy sumebar nepi ka Nagri Babylon, Mesir  Kuno, Saba, jeung Persia.[4] Alat anu digunakeunna ogé basajan di antarana tanduk munding, tulang onta, jeung gading gajah.[4] Lian ti éta, di Mesir bekam geus aya ti jaman Fir’aun Ramses II, 1200 taun saméméh maséhi.[5] Dina ieu jaman, kahirupan masarakatna raket jeung kagiatan dagang ka antarsélér malah nepi ka antarbangsa.[4] Lalampahan anu jauh tur matak capé, ngabalukarkeun kondisi awakna teu hadé.[4] Ku kituna masarakat Mesir narékahan sangkan teu nyareri awak ku cara ngaluarkaeun getih anu dianggap mangaruhan kana kasaimbangan metabolisme awakna.[4] Harita ogé aya mangsa di mana loba jalma anu dibalédogan ku batu nepi ka bareuhna, laju sabada dikaluarkeun getihna loba anu cageur.[rujukan?]

Di Parsi, Suriah, jeung Iskandariyah,  bekam mekar babarengan jeung cara ngubaran fashid, kay, bedah, ramuan hérbal, tutuwuhan-tutuwuhan laut, akar-akaran, kembang jeung geutah.[5] Harita tabib ngagunakeun bekam pikeun ngubaran raja. Tabib-tabib nurunkeun élmuna ngan ka murid-muridna anu kapilih.[5] Di China bekam dipikawanoh dina taun 2500 saméméh maséhi nalika jaman kakawasaan Dinasti Yao.[5] Kaédah bekam ditingali dumasar titik-titik akupuntur.[5] Dina abad ka-18, urang Eropa ngagunakeun léntah minangka alat bekam.[5]

Jenis-jenis bekam

[édit | édit sumber]

Bekam dibagi jadi dua jenis nyaéta :

  • Bekam Kering : Prosés bekam kering carana nyedot bagéan luar kulit tur ngurut bagéan-bagéan di sakurilingna bari teu ngaluarkeun getih kotor.[6] Gunana pikeun ngubaran kasakit anu sipatna dadakan kayaning nyeri urat-urat tonggong alatan rheumatik atawa panyakit séjénna.[rujukan?]
  • Bekam Basah : Prosés nu dilakonan sabada prosés bekam kering, tuluy kulit ditojos ngagunakeun jarum anu geus stéril.[6] Tuluy di sakurilingna disedot ngagunakeun alat cupping jeung hand pump pikeun ngaluarkeun getih.[6] Lilana nyaéta 3 nepi ka 9 menit, gumantung kasakitna.[6]
  • Bekam Luncur : Ku cara ngakop bagéan awak nu tangtu tuluy diarahkeun ka bagéan awak nu lian.[7] Ieu téhnik bisa digunakeun keur pemanasan pasén, gunana pikeun ngalancarkeun perédaran getih tur nyéhatkeun kana kulit.[7]
  • Bekam Tarik.[rujukan?]

Titik-titik bekam

[édit | édit sumber]
Bekam Tradisional.
  1. Titik 1 ‘Ala Ro’si (Ummu Mughits / Indungna tina panyakit) : Ieu titik disebut ogé titik tempat lawungna saratus panyakit, nyaéta aya di tengah-tengah sirah.[8] Gunana pikeun ngubaran nyeri sirah sacara umum, migraine, vértigo, darah tinggi, sinusitis, mimisan, glaucoma, jrrd.[8]
  2. Titik 2 jeung 3 Al -Akhda’in katuhu dan kénca : Ayana dina urat beuheung, gunana pikeun ngubaran nyeri huntu, TBC, Kelenjar limfe, bareuh, radang, jrrd.[8]
  3. Titik 4 Al-Kahil ; Ayana dina beuheung tukang ruas kahijina, gunana pikeun ngubaran asma, bronchitis, batuk, pilek, nyeri sendi, jrrd.  [8]
  4. Titik 5 jeung 6 Al-Katifain katuhu jeung kénca : Ayana dina taktak, gunana pikeun ngubaran struk, ngalancarkeun perédaran getih.[8] Harita Rasulullah SAW dibekam lantaran diracun nalika perang khaibar.[8]
  5. Titik 7 jeung 8 Al-Warik ; Ayana dina cangkéng, gunana pikeun ngubaran kasakit ginjal, pancreas, jeung haid anu teu lancar.  [8]
  6. Titik 9 jeung 10 Dzohril Qodami  ; Ayana dina bitis, gunana pikeun ngubaran kasakit nu aya dina kandung kemih jeung saluran kencing, asam urat, jrrd.  [8]

Mangpaat bekam

[édit | édit sumber]
  • Mangpaat numutkeun dunya medis

Sababaraha panalungtikan anu kungsi dilakonan nyaritakeun yén trapi bekam taya patalina jeung getih kotor anu numutkeun masarakat non-medis dikaluarkeun nalika lumangsungna prosés bekam.[9] Ieu hal dilantarankeun pungsi detoksifikasi (ngaluarkeun racun) sabenerna geus dilakukeun ku organ ginjal jeung haté.[9] Hiji panalungtikan anu kungsi dilakukeun pikeun ngabuktikeun mangpaat bekam nyaéta nyobaan terapi bekam ka 60 jalma gendut sacara rutin.[9] Hasil anu kabukti nyaéta bekam bisa nurunkeun tekanan getih tur kadar kolesterol goréng di jero awak, sarta ningkatkeun kadar kolesterol hadé.[9]

  • Mangpaat numutkeun dunya non-medis

Dina segi mangpaat, masarakat non-medis boga anggepan yén bekam basah minangka hiji cara ngaluarkeun toksin dina getih.[rujukan?] Hartina ngaluarkeun getih tina jero awak.[9] Sedengkeun bekam kering mangpaatna saukur ngaluarkeun gas boh uap nu biasana pikeun ngubaran asup angin.[9]

  • Mangpaat nu lianna

Bisa ngubaran kasakit migrain, stroke, darah tinggi, vertigo, jeung nyeri huntu.[9] Sedeng pikeun jantung bisa jadi cara ngalancarkeun fungsi jantung anu mangrupa organ nu mompa getih.[9] Lian ti éta bekam bisa méré stimulus aliran perédaran getih dina handapeun kuit, nepi ka bisa ngaronjatkeun nutrisi tina kulit kana buuk.[10] Métode pengisapan luhureun permukaan kulit ogé bisa ngaronjatkeun metabolisme dina kulit.[10]

Rujukan

[édit | édit sumber]
  1. ↑ a b http://assunnah-qatar.com/phocadownload/PDF/BEKAM.pdf[tumbu nonaktif]
  2. ↑ http://elib.unikom.ac.id/files/disk1/459/jbptunikompp-gdl-esapratiwi-22934-3-unikom_e-i.pdf
  3. ↑ a b c d e "arti dan manfaat terapi pengobatan bekam | Al hijamah". www.abualbanicentre.com. Diakses tanggal 2018-02-06.  Archived 2017-08-30 di Wayback Machine
  4. ↑ a b c d e Fatahillah, Ahmad (2007). Kemapuhan Bekam : Pencegahan dan Penyembuhan Penyakit Ala Rasulullah. Jakarta: Qultum Media. ISBN 979-3762-67-5. 
  5. ↑ a b c d e f "Sejarah Bekam (Al-Hijamah) | Reiki Malaysia | Reiki Malaysia". reiki-malaysia.com (dalam en-US). Diakses tanggal 2018-02-07. 
  6. ↑ a b c d easetofit.com. "2 jenis bekam dan manfaatnya" (dalam bahasa en). EasetoFit. http://www.easetofit.com/terapi/bekam/read/2016/11/25/2-jenis-bekam-dan-manfaatnya. Diakses pada 2018-02-07  Archived 2017-01-19 di Wayback Machine
  7. ↑ a b http://www.komunitiruqyahsyariyyahsingapura.com/uploads/9/1/1/3/9113333/bekam_perubatan_menurut_sunnah_nabi.pdf
  8. ↑ a b c d e f g h "Titik Bekam Sunnah dan Khasiatnya Untuk Pengobatan | Belajar Pijat Refleksi". refleksi.id (dalam id-ID). Diakses tanggal 2018-02-07.  Archived 2018-02-13 di Wayback Machine
  9. ↑ a b c d e f g h "Manfaat Terapi Bekam Bagi Tubuh". 
  10. ↑ a b "Mari Kita "Kenali" Apa Saja Manfaat Terapi Bekam". www.apelgreen.com (dalam id-ID). Diakses tanggal 2018-02-10.  Archived 2017-06-12 di Wayback Machine
Dicomot ti "https://su.wikipedia.org/w/index.php?title=Bekam&oldid=667882"