Christian Bautista

Ti Wikipédia Sunda, énsiklopédi bébas
Cristian Bautista

Christian Joseph Morata Bautista atawa anu leuwih dipikawanoh Christian Bautista nyaéta penyanyi, aktor jeung modél anu asalna ti Filipina[1].Christian ngamimitian karirna nalika taun 2003 ku cara ngiluan acara kontes Star In A Million, nyaéta konsér nu néangan bakat nu diayakeun ku stasion TV ABS-CBN, Filipina[1]. Christian bisa jadi meunangkeun éta kontés jadi jawara kaopat[1].

Sabada meunang di Star In A Million, Christian Bautista néken kontrak jeung Warner Music Philippines[1]. Manéhna mimiti ngagarap album munggaran anu dirilis taun 2005 judulna COMPLETELY, anu laguna The Way You Look at Me salaku lagu kojona.Éta album suksés di nagara-nagara di Asia Tenggara[1].Ti harita manéhna mimiti populér di nagara Asia-Asia Tenggara utamana Indonesia, Malaysia, Singapura jeung Thailand[1].

Satuluyna, Christian terus produktif ngaluarkeun album[1].Sabada ngarasa suksés di dunya musik, Christian anu lahir ping 9 Oktober 1981 mimiti nyobaan dunya akting, ngaliwatan casting dina salah sahiji opera sabun anu judulna KAMPANERANG KUBA nalika taun 2005[1]. Saméméhna ogé manéhna penah akting dina sababaraha téater, di antarana THE LION, THE WITCH & THE WARDROBE 2002, JOSEPH THE DREAMER 2002, jeung WEST SIDE STORY 2008[1].

Sabada mintonkeun kamampuhna, karir aktingna jadi leuwih lega nepi ka luar nagri[1].Christian teu ngan saukur aya dina TV lokal, tapi ogé pernah di film-film nagara Asia Tenggara séjénna kaasup Indonesia[1].Nalika taun 2008,Christian dikontrak ku Nation Picture pikeun akting dina film SIMFONI LUAR BIASA (SLB)[1]. Dina film karya Awi Suryadi éta Christian jadi Jayden Ruiz, pamuda anu miboga cita-cita jadi penyanyi tapi ngalaman loba hahalang dina ngahontal cita-citana[2]. Tuluy manéhna pindah ti Manila ka Jakarta pikeun nepungan indungna, ku kahayangna ngahontal cita-citana manéhna jadi guru SLB(Sekolah Luar Biasa)[2]. Lian ti éta manéhna gé pernah aya dina acara TAKE ME OUT INDONESIA jeung JAYDEN'S CHOIR anu diayakeun di Indonesia[1]. Nalika upacara pembukaan Asian Beach Games 2008, Christian Bautista kolaborasi jeung Andre Hehanusa ogé Mark Lazaro[1].Sabada éta dina taun 2010 manéhna pernah jadi juri tamu dina acara Indonesia Mencari Bakat anu aya di Trans TV ping 27 Juni 2010 bareng jeung Sarah Sechan, Rianti Cartwright ogé Titi Sjuman[1].

Christian Bautista pernah bobogohan jeung Rachelle Ann Go, penyanyi jeung modél asal Filipina[1]. Tapi teu lila ku sabab taun 2007 geus teu babarengan deui[1].

Referensi[édit | édit sumber]

  1. a b c d e f g h i j k l m n o p q Christian Bautista(diakses 3 Desember 2011)
  2. a b Christian Bautista Banting Setir Jadi Guru SLB(diakses 4 Desember 2011)