Citakan:Artikel petingan/Désémber 2014
Raden Oto Iskandar di Nata nyaéta pajoang kamerdikaan nu gumelar di Bojongsoang, Dayeuhkolot, Bandung, 31 Maret 1897 – pupus di Mauk, Tangerang, Banten dina yuswa 48 taun. Teureuh ménak putra bangsawan ieu téh kasohor lébér wawanénna. Teuneung ludeung dina nyanghareupan rupa-rupa perkara, pangpangna pikeun ngabéla nasib rahayat. Oto mingpin Pagoejoeban Pasoendan saprak taun1929 nepi ka 1942. Organisasi ieu usik dina widang atikan (ngadegkeun loba sakola), budaya, ékonomi (Bank ogé koperasi) sarta hukum. taun1931 nepi ka 1941 manéhna jadi anggahota Volksraad, anu jadi babakal ti Déwan Pangwakil Rahayat di poé kahareupnakeun.