Colin Greenwood

Ti Wikipédia Sunda, énsiklopédi bébas
Colin Greenwood, 17 Juni 2006

Colin Charles Greenwood atawa anu kasohor Colin Greenwood nyaéta bassis grup musik Radiohead anu lahir ytanggal 26 Juni 1969[1][2]. Lalaki anu biasa dilandi Coz ieu nyaéta lanceuk tegesna Jonny Greenwood[1][2]. Salian bisa maén éléktri jeung akustik bass, Colin ogé bisa maénkeun double bass, keyboard, samplers, synthesizer, jeung sababaraha alat perkusi séjénna[1] Colin nikah jeung hiji wanoja anu ngaranna Molly McGrann dina bulan Désémber 2005[2]. McGrann nyaéta sastrawati katut kritikus asal Inggris[2]. Tina ieu hubungan, Colin boga 2 anak nyaéta Jesse (2003) jeung Asa (2005)[2].

Colin nyaéta salah sahiji jalma anu ngadegkeun Radiohéad[2]. Harita Colin papanggih jeung Thom Yorke, babaturan sakolana[1][2]. Thom jeung COlin nagbentuk grup musik taun 1986, terus ngarékrut Ed O'Brien jeung Phil Selway, ahirna pikeun ngalengkepan formasi, Jonny Greenwood (adina Colin) ogé dirékrut nalika umurna masih 14 taun[1][2]. Salian jadi personil Radiohéad, Colin ogé boga proyék séjén di Luar[2]. Colin jeung adina ngarilis album solona anu dijudulan Bodysong[2]. Taun 2008, Colin maén bass pikeun soundtrack pilem Woodywoodpecker, dina ieu lagu, Colin gawé bareng jeung Lee Sergent jeung Tyler Sergent anu mangrupa personil grup musik Clap Your Hand Say Yea[2].

Référénsi[édit | édit sumber]

  1. a b c d e (en)Bio - Colin Greenwood Archived 2011-10-12 di Wayback Machine (diaksés tanggal 17 Nopémber 2011)
  2. a b c d e f g h i j k Profil Colin Greenwood-kapanlagi.com (diaksés tanggal 17 Nopémber 2011)