Thom Yorke

Ti Wikipédia Sunda, énsiklopédi bébas

Thomas Edward Yorke atawa anu kasohor Thom Yorke nyaéta vokalis ti grup musik rock alternatip Radiohead anu lahir tanggal 7 Oktober 1968 di Wellingborough, Northamptonshire, Inggris[1][2][3]. Thom Yorke anu biasa dilandi Dr. Tchock ieu mahér maénkeun gitar éléktrik jeung akustik, bass jeung drum[1][3]. Thom boga hiji adi ngaranna Andy[1]. Panon kéncana bisa disebut teu normal, sabab nalika lahir panon kéncana Yorke nutup[2]. Yorke kungsi dioperasi panon nepi ka 5 kali, malah nu terahir mah hampir nyababkeun Yorke teu bisa ningali deui, tapi sabada nutup panonna maké panutup panon, ahirna Yorke bisa ningali deui najan teu pati jelas[1][2].

Yorke meunangkeun gitar pertamana nalika umur 7 taun[1]. Nalika umur 10 taun, Thom jadi personil grup musik di sakola Abingdon[1]. Di ieu sakola, Thom papanggih jeung personil grup musikna engké, Ed O'Brien, Phil Selway, Colin Greenwood jeung Jonny Greenwood[1][2]. Ieu grup musik dingaranan On a Friday sabab Thom Yorke saparakanca sok latihan dina poé juma'ah[2]. Sabada nyieun kontrak, On a Friday diganti jadi Radiohéad[2].

Référénsi[édit | édit sumber]

  1. a b c d e f g (en)Biografi Thomas Edward Yorke (diaksés tanggal 17 Nopémber 2011)
  2. a b c d e f (en)Thom Yorke - Radiohead - Starpulse.com Archived 2010-03-23 di Wayback Machine (diaksés tanggal 17 Nopémber 2011)
  3. a b (en)Trivia - Thom Yorke (diaksés tanggal 17 Nopémber 2011)