Comro

Ti Wikipédia Sunda, énsiklopédi bébas
(dialihkeun ti Combro)
Loncat ke navigasi Loncat ke pencarian
Combro.jpg

Comro nyaéta kadaharan has Sunda ti Jawa Kulon. Comro salasahiji tina loba kadaharan Sunda nu meunang ngaran tina wancahan bahan dasar nu . Comro téh mangrupa wancahan tina oncom di jero. Comro dijieun ku cara ngagoréng parud sampeu nu di jerona dieusian ku sambel oncom. Bentukna bisa buleud bisa lonjong[1]. Kadaharan ieu leuwih ngeunah didahar lamun masih haneut kénéh. Mun geus tiis mah sok rada teuas, gaaleun téa.

Bahan jeung Bungbu[édit | édit sumber]

  • Sampeu
  • Oncom
  • Kalapa
  • Céngék
  • Bawang bodas
  • Katuncar
  • Daun bawang
  • Daun surawung
  • Uyah
  • Gula

Cara Nyieun[édit | édit sumber]

Sampeu jeung kalapa diparud. Mun hayang comro nu garing jeung rangu parud sampeu diperes. Saripatina dipiceun. Galokeun parud sampeu jeung kalapa. Mun beuki bisa ditambahan ku hirib daun bawang. Bungbuan maké réndos bawang bodas, katuncar, uyah jeung gula.

Keur eusina jieun sambel oncom. Carana: oncom, céngék, bawang bodas, daun surawung, uyah, jeung gula diréndos teu kudu lemes-lemes. Tumis singka asak.

Cokot sakeupeul adonan sampeu jeung kalapa, eusi maké sambel oncom. Bentuk buleud atawa lonjong. Laju goréng dina minyak nu ngeueum nepi ka semu coklat.

Hal Séjénna[édit | édit sumber]

Kiwari, réa nu sok salah dina nuliskeun comro. Nulisna téh sok jadi combro. Lain waé urang ti saluareun Sunda, dalah urang Sundana sorangan masih kénéh réa nu sok salah nulis kitu.

Tempo ogé[édit | édit sumber]

Bread and wine.svg
Buku resép Wikibooks miboga artikel ngeunaan

Rujukan[édit | édit sumber]

  1. Rosidi, Ajip, 1938-; Pustaka Jaya (Firm) (2000). Ensiklopedi Sunda : alam, manusia, dan budaya, termasuk budaya Cirebon dan Betawi (Cet. 1 ed.). [Jakarta]: Pustaka Jaya. p. 171. ISBN 979-419-259-7. OCLC 45463431. 
Nulis.jpg