Sampeu

Ti Wikipédia, énsiklopédia bébas
Luncat ka: pituduh, sungsi
Sampeu
Gambar deskriptif singkong dari Koehlers Medizinischepflanzen
Klasifikasi ilmiah
Karajaan: Plantae
Divisi: Magnoliophyta
Kelas: Magnoliopsida
Order: Malpighiales
Kulawarga: Euphorbiaceae
Subfamily: Crotonoideae
Tribe: Manihoteae
Génus: Manihot
Spésiés: M. esculenta
Ngaran binomial
Manihot esculenta
Crantz
Manihot esculenta

Sampeu sok disebut ogé hui tangkal, nu dina basa Inggris ngaranna cassava, nyaéta tangkal ti kulawarga Euphorbiaceae. [rujukan?] Beutina dipikawanoh minangka kadaharan poko panghasil karbohidrat sarta daunna minangka sayuran.[rujukan?] Sampeu tumuwuh di daérah tropis jeung daérah subtropis. [rujukan?]

Gambaran[édit | édit sumber]

Beuti sampeu siap dijual.

Sampeu mangrupa beuti atawa akar tangkal anu panjang jeung boga garis tengah rata-rata 2-3 cm sarta panjang 50-80 cm, gumantung kana jinis sampeu anu dipelak.[rujukan?] Daging beutina boga warna bodas atawa semu konéng.[rujukan?] Beuti sampeu henteu bisa lila disimpen sanajan ditempatkeun dina lomari és.[rujukan?] Gambaran karuksakan ditandaan ku kaluarna warna biru kolot alatan kawangunna asam sianida anu boga sipat racun pikeun manusa.[rujukan?]

Beuti sampeu mangrupakeun sumber énergi anu beunghar ku karbohidrat tapi kacida kurang ngandung protéin.[rujukan?] Sumber protéin anu alus malahan aya dina daun sampeu alatan ngandung asam amino métionin.[rujukan?]

Sajarah sarta pangaruh ékonomi[édit | édit sumber]

Jinis sampeu Manihot esculenta mimiti dipikawanoh di Amérika Kidul, saterusna dibudidayakeun dina mangsa pra-sejarah di Brasil sarta Paraguay.[rujukan?] Wangun-wangun modéren tina spésiés anu geus dibudidayakeun bisa kapanggih tumuwuh liar di Brasil kidul. [rujukan?]

Produksi sampeu dunya dikira-kira ngahontal 184 juta ton dina taun 2002.[rujukan?] Kalolobaan produksi dihasilkeun di Afrika 99,1 juta ton sarta 33,2 juta ton di Amérika Latin sarta Kapuloan Karibia.[rujukan?]

Sampeu dipelak sacara komérsial di wewengkon Indonésia (waktu éta Hindia Walanda) dina kira-kira taun 1810Payer, M. HBI weltweit. 5.3. Zur Geschichte Indonesiens. Édisi 1997-03-18. Diaksés 18 Méi 2007, sanggeus saméméhna diwanohkeun ku urang Portugis dina abad ka-16 (beunang mawa ti Brasil).[rujukan?]

Prosés nyieun[édit | édit sumber]

Beuti akar sampeu réa ngandung glukosa sarta bisa didahar atah-atah.[rujukan?] Rasana rada amis, aya ogé anu pait gumantung kana kandungan racun glukosida anu bisa nyieun asam sianida.[rujukan?] Beuti anu rasana amis ngahasilkeun paling saeutik 20 mg HCN pér kilogram beuti akar anu seger kénéh, sarta 50 kali leuwih réa dina beuti anu rasana pait.[rujukan?] Dina jinis sampeu anu amis, prosés ngasakkeun pohara diperlukeun pikeun nurunkeun kadar racunna.[rujukan?] Tina beuti ieu bisa ogé dijieun tipung aci.[rujukan?]

Kaguna[édit | édit sumber]

Sampeu dikokolakeun ku sagala rupa cara, sampeu réa dipaké dina sagala rupa macem asakan.[rujukan?] Dikulub pikeun ngagantikeun kentang, sarta palengkep asakan.[rujukan?] Tipung sampeu bisa dipaké pikeun ngaganti tipung gandum, alus pikeun panyandang alergi.[rujukan?]

Sampeu minangka kadaharan ingon-ingon[édit | édit sumber]

Sampeu ilahar dipaké minangka kadaharan pikeun ingon-ingon di nagara-nagara kawas di Amérika Latin, Karibia, Tiongkok, Nigéria sarta Éropa.[rujukan?]

Tempo ogé[édit | édit sumber]

Rujukan[édit | édit sumber]

Bacaan Umum[édit | édit sumber]

  1. FAO, June 2003 cassava market assessment, 2003
  2. Cereda, M.P. and Mattos, M.C.Y. (1996). "Linamarin - The Toxic Compound of Cassava". Journal of Venomous Animals and Toxins (online) 2 (1), 6-12; ISSN 0104-7930 [1]

Rujukan[édit | édit sumber]

Tumbu ka luar[édit | édit sumber]

tah:Cuauhcamohtli