Domain undak luhur umum
Domain undak luhur umum (basa Inggris: generic top-level domain (gTLD)) nyaéta domain alamat Internét anu ngaidéntifikasi sacara umum anu patali jeung sawatara kelas domain.[1] Ékstensi domain undak luhur umum diwangun ku tilu karakter atawa leuwih.[2] Ieu mangrupa salah sahiji katégori domain undak luhur dina sistem Sistem Ngaran Domain (DNS) anu dikokolakeun ku Internet Assigned Numbers Authority.[2] Kiwari aya 21 domain undak luhur umum internet dina zona akar anu dikategorikeun jadi[2]:
- Umum (.com, .info, .net, .org), anu dipaké pikeun tujuan umum;[2]
- Disponsoran (.aero, .asia, .cat, .coop, .edu, .gov, .int, .jobs, .mil, .mobi, .tel, .travel, jeung .xxx), anu ngan ukur bisa dipaké ku kalangan anu icikibung dina industri tinangtu;[2]
- Umum kawates (.biz, .name, .pro), anu bisa dipaké ngan pikeun tujuan tinangtu;[2] sarta
- Infrastruktur (.arpa), anu sacara éksklusif dipaké pikeun ngarojong operasional husus sarta dioperasikeun ku IANA.[2]
Domain undak luhur umum dikokolakeun sarta dioperasikeunna mah boh ku organisasi sponsor atawa ku operator régister anu satuluyna disatujuan ku ICANN.[2]
Rujukan
[édit | édit sumber]- ↑ "gTLD (generic top-level domain name) definition". TechTarget. Diakses tanggal 2016-01-24. Archived 2016-01-10 di Wayback Machine
- ↑ a b c d e f g h "GTLD-ICANNwiki". ICANNwiki. Diakses tanggal 2016-01-24.
 |
Artikel ngeunaan Internét ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |