Everland

Ti Wikipédia, énsiklopédia bébas
Luncat ka: pituduh, paluruh
Everland Resort
Korea-Yongin-Everland-01.jpg
Ngaran Koréa
Hangul 에버랜드 리조트
Alih Aksara anu Disampurnakeun Ebeolaendu Rijotu
McCune-Reischauer Ebǒlaendǔ Rijot'ǔ

Everland Resort nyaéta taman di Yongin, pasisian Seoul, Korea Kidul. Everland mangrupa taman utama panggedena di Koréa Kidul. Taun 2002, Everland aya dina rengking kagenep taman hiburan nu panglobana didatangan di dunya [1]. Lian ti atraksi-atraksi utamana, Everland ogé miboga kebon sato jeung taman cai nu katelah Caribbéan Bay. Everland dioprasikeun ku Samsung Everland, cabang tina Samsung Group.

Everland mindeng dibandingkeun jeung Disneyland ku nu kungsi ngadatangan dua tempat eta, cenah mah arsitektur, skala, jejer jeung atmosfir umumna kacida saruana [2]

Zona[édit | édit sumber]

Everland kabagi jadi 6 zona; Global Fair, Zoo-Topia, Européan Adventure, Magic Land jeung American Adventure. Taman cai Caribbéan Bay mah merlukeun tiket tambahan, sarta henteu buka sapanjang taun alatan kondisi cuaca.

Global Fair[édit | édit sumber]

Global Fair utamana mah mangrupa tempat keur dahareun, supenir jeung gambar nu perenahna di jalan asup jeung kaluar. Di dieu loba toko jeung restoran slian ti jasa husus saperti panyewaan kareta jeung loker.

Zoo-Topia[édit | édit sumber]

Zoo-Topia nyaéta bagéan nu jejerna sasatoan. Aya petting-zoo, pony rides, jeung pintonan sato. Aya ogé kebon sato leutik nu eusina biruang kutub, singa laut, pinguin, biruang, maung jeung primata. Beus safari sadia pikeun nguriling nempoan sasatoan dina habitat aslina. Nu daratang dikandangan dina beus. Amazon express mangrupa perjalanan cai, nu daratang bisa baraseuh. Petting zoo mintonkeun sasatoan siga embé jeung domba keur ingon-ingon. Ieu mangrupa atraksi keur barudak.

European Adventure[édit | édit sumber]

Européan Adventure boga loba réstoran dina rupa-rupa gaya Éropah. Aya loba arsitektur nu sababaraha di antarana mangrupa rarancang Walanda jeung Romawi. Aya taman kekembangan nu diideran ku karéta, game jeung arcade. Atraksi favorit di dieu nyaéta Mystery Mansion tempatna nu daratang bisa nembakan jujurigan. Dina bulan Maret 2008, hiji kaulinan anyar nu ngaranna "T Express" ditambahkeun. Ieu mangrupa rollercoaster munggaran di Koréa nu sakabéhna dijieun tina kayu.

Magic Land[édit | édit sumber]

Magic land mangrupa jejeran wangunan jeung kandaraan. Aya Aesop's Village nu mana karakter jeung jejerna dicokot tina fabel Aesop. Kareta gantung bisa dipaké keur ningali sakuliah taman. Aya log ride, futuristic flying ride, robot ride. Aya ogé restoran jeung arcade.

American Adventure[édit | édit sumber]

Jejer tina sajarah Amérika aya di dieu, di antarana west ride, kaasup tutumpakan "Eagle's Fortress", jeung rodeo. Di Rocks Ville jejerna nyaéta jaman 1950-an jeung musikna. Double Rock Spin mangrupa atraksi utama minangka pintonan band live di deukeuteun Rolling X-Train, roller coaster.

Loba pintonan My Love Patzzi dipilemkeun di Everland.

Everland Speedway[édit | édit sumber]

Everland Speedway nyaéta track racing munggaran di Koréa Kidul. Speedway ieu sadia keur event balap dina sababaraha rupa skala kagedéannana. méré kasempetan keur ngalaman jeung ngarasakeun nyupiran mobil balap keur jalma biasa nu henteu miboga pangalaman balap.

Wikimedia Commons logo
Wikimedia Commons mibanda média séjénna ngeunaan

Gallery[édit | édit sumber]

Tumbu luar[édit | édit sumber]