Gatrik

Ti Wikipédia, énsiklopédia bébas
Jump to navigation Jump to search
Gatrik.jpg

Gatrik nyaéta tradisional barudak. Gatrik mangrupa kaulinan kelompok, diwangun ku dua kelompok. Ieu kaulinan ngagunakeun pakakas mangrupa dua potongan. Anu hiji siga iteuk ukuranana kurang leuwih 30 cm, sarta lianna deui ukuranana langkung alit. Gatrik biasana dipigawé di lapang atawa halaman nu nembrak. Jumlah pamaénna 2 tim, unggal tim diwangun ku 2-5 budak. Keur dadasar gatrik, biasana dipaké batu atawa barang sanés anu tiasa dipaké minangka dadasar. Ieu kaulinan merlukeun kaparigelan katut katangginasan. Pamaén kedah ati-ati nalika ngulinkeun ana sabab lamun gatrikna beuki gancang, tim nu néwak kudu tapis nyingkahan tatu alatan kakeunaan ku kai gatrik. Cara ngulinkeun gatrik ieu di saban wewengkon tiasa béda-béda.

Pakakas. Gatrik ngagunakeun pakakas mangrupi 2 potongan, potongan panjang minangka paneunggeul sapanjang kirang langkung 30 cm sarta potongan pondok sapanjang 10 cm. Teras, diperlukeun ogé bata atawa barang lianna anu tiasa dijadikeun dadasar gatrik (awi pondok).

Cara Ulin[édit | édit sumber]

Mitembéyan Kaulinan Kanggo nangtukeun tim anu leuwih tiheula ulin minangka paneunggeul, urang tiasa ngalakukeun suten, atawa malédogkeun kai gatrik pondok ka landasan di luhur batu. Singsaha waé anu ngabalangkeunana ka jero atawa leuwih deukeut kana batu dadasar, tiasa jadi tim paneunggeul.

Jirangan kaulinan[édit | édit sumber]

Jirangan kahiji[édit | édit sumber]

Jirangan kahiji nyaéta malangkeun gatrik pondok di luhureun batu sarta siap dialungkeun nganggo gatrik panjang. Tim nu néwak ngajagi alungann gatrik pondok. Lamun hasil katéwak mangka giliran tiasa bagentos. Lamun henteu tiasa néwak, aya kénéh hiji kasempetan deui ku cara malédogkeun gatrik pondok kana gatrik panjang. Lamun keuna, tim nu néwak tiasa bagentos jadi tim paneunggeul. Lamun henteu ngeunaan gatrik panjang, mangka urang asup kana jirangan kadua.

Jirangan kadua[édit | édit sumber]

Gatrik panjang jeung pondok dicepeng ku panangan tuluy gatrik pondok ditakol satarik-tarikna ku gatrik panjang. Lamun katéwak, tim nu ngajaga boga kasempetan kanggo ulin gatrik. Lamun henteu, tim nu ngajaga malédogkeun gatrik pondok ngadeukeutan batu dadasar, supados tim paneunggeul henteu ngagaduhan jarak per gatrik pondok kanggo meunangkeun peunteun.

Jirangan pamungkas[édit | édit sumber]

Jirangan pamungkas nyaéta naon anu disebut "patil lélé", simpen gatrik pondok kalawan posisi doyong dina dadasar batu. Babuk tungtungna tepi ka kaalungkeun ka luhur, tuluy geuwat takol leuwih tarik deui ka hareup. Tim nu néwak angger mibanda tugas néwakk gatrik pondok. Lamun teu katéwak, tim paneunggeul neraskeun kaulinan kalawan neunggeul tungtung gatrik anu pondok gatrik pondok di luhur taneuh (sepertos neunggeul bal golf nanging bari nyangégang). Dina neunggeul gatrik pondok, dipigawé sacara éstapét (lamun pamaén ka-1 gagal neunggeul, digantian ku pamaén ka-2, jst.). Jarak anu diukur ku gatrik pondok éta nangtukeun meunang jeung éléhna tim. Tim anu menang biasana dibéré hadiah ku tim anu éléh nyaéta diakod (digandong) luyu jeung jarak jauhna gatrik pondok anu ditakol.


Arjuna Wayang.jpg