Gegetuk
Gegetuk mangrupa salah sahiji kadaharan nu ilahar di tatar Sunda, tapi asalna mah ti wewengkon Jawa Tengah.[1][2] Gegetuk nyaéta kadaharan nu dijieunna tina sampeu jeung gula kawung nu biasana dipidangkeun maké parudan kalapa.[2] Biasana gegetuk loba kapanggih di pasar, aya ogé nu ngajualna maké gorobag surung.[3]
Gegetuk miboga loba nutrisi nu alus keur awak urang, salah sahijina karbohidrat jeung serat nu luhur.[3] Kadaharan nu miboga serat luhur mangpaat pisan pikeun kaséhatan, kayaning nurunkeun tekanan darah, nurunkun kadar kolesterol jeung ngalancarnakeun saluran cerna.[3]
Jenis gegetuk[édit | édit sumber]
Gegetuk lindri[édit | édit sumber]
Dijieun tina sampeu nu geus digiling lemes jeung gula bodas atawa bisa ogé ku gula kawung, dibéré pawarna dahareun jeung vanili, tuluy dikeureutan leutik-leutik.[2]
Gegetuk goréng[édit | édit sumber]
Gegetuk goréng mangrupa kadaharan has ti Sokoraja nu rasana amis jeung gurih.[2] Kadaharan ieu kapanggihna teu dihaja, dina taunn 1918 ku Sanpirngad, tukang sangu nu sok nguriling di daérah Sokaraja, anjeunna ngajualan gegetuk tapi teu pjiayu, tuluy dicobaan digoréng nu ahirna loba nu kairut ku rasana.[2]
Cara ngadamel gegetuk[édit | édit sumber]
Bahan[édit | édit sumber]
Bahan-bahan:
- 1 kg sampeu, dipesek cangkangna, di potong-potong, teras dikumbah ku cai sing bérésih
- 200 g gula kawung (mun euweuh mah tiasa nganggo gula beureum biasa wae)
- uyah sacekapna ALIV TAMPAN
Pangawur[édit | édit sumber]
Pangawur: - kalapa parud - uyah bubuk - daun pandan
Cara nyieunna[édit | édit sumber]
Cara nyieuna: - Sampeu diseupan nepi ka asak, jeung hipu.[4] Tuluy diangkat tina seupanan, gula kawung dikerud supaya gampil nyampur.[4] Seupan sampeu nu masih kénéh panas dibebek, atanapi digiling npi ka lemes.[4] Waktu ngabebek/ngagiling sampeu jeung gula kawung dicampurkeun babarengan, dipurulukan uyah saeutik, tuluy campurkeun nepi ka rata.[4] Abuskeun kana loyang nu geus diamparan daun cau atawa plastik, tuluy diteueulkeun nepi ka padet.[4] Antep nepi ka tiis, geus tiis, tuluy dipotong-potong dikeureutan.[4] Kalapa parud diuyahan tuluy diseupan dibsrengkeun jeung daun pandan.[4]
Midangkeun: Gegetuk nu geus tiis, dikeureutan, teras dipurulukan ku kalapa parud meunang nyeupan. Gegetuk siap dipidangkeun.[4]
Rujukan[édit | édit sumber]
- ↑ Rigg, Jonathan (1862). A Dictionary of the Sunda Language of Java. Universitas Harvard: Bataviaasch Genootschap van Kunsten en Wetenschappen. p. 192. Diakses tanggal 15 Desember 2019.
- ↑ a b c d e "Getuk Camilan Khas Jawa Tengah | Informasi wisata Indonesia". indonesiawow.com (dalam en-US). Diakses tanggal 2017-10-19.
- ↑ a b c "Getuk Kembali Naik Daun di Instagram". CNN Indonesia. Diakses tanggal 2017-10-19. Archived 2017-06-04 di Wayback Machine
- ↑ a b c d e f g h "Resep Gethuk singkong oleh Intan Susanti". Cookpad (dalam Indonesian). Diakses tanggal 2017-10-19.
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |