Huap lingkung
Huap lingkung nyaéta tata cara pangantén silih huapan di lingkung ku babarayaaan nalika pabetot-betot bakakak [1].Huap lingkung hartina silih huapan sabari leungeun masing-masing pangantén ngaléng kana beuheung pasanganana[2]. ku sabab silih huapan éta jadi ieu upacara disebut huap lingkung[2].Huap lingkung miboga tujuan pikeun ngaleungitkeun rasa kaéra antara pangantén sabada diistrénan sah jadi salaki pamajikan[2]. Salaku salaki pamajikan kudu bisa silih méré jeung silih ngalengkepan lamun dina paribasana mah ka cai jadi saleuwi ka darat jadi salebak[2].Huap lingkung dilakonan sabada pangantén aya di jero imah, mangrupa tuluyan sabada upacara buka pintu di jero imahna pangantén awéwé biasana di tengah imah atawa di rohangan tengah [2].Nalika upacara huap lingkung pingpinanna nyaéta saurang juru kawih lalaki sakaligus anu mungkas rangkéyan upacara anu dilakonan poé éta[2].Anapon pihak-pihak anu kalibet dina upacara ieu sarua jeung pihak-pihak anu kalibet nalika upacara sungkem, sawér, nincak endog, jeung buka pintu nyaéta kawatesanan ti pihak kulawarga jeung baraya deukeut ti dua kulawarga pangantén[2].Lian ti perangkat acara anu geus ditataan tadi, dina upacara ieu aya kalengkepan anu kudu aya nyaéta bakakak hayam, sangu konéng,jeung cai nginum[2].Kadaharan pikeun huap lingkung numutkeun kabiasaan disadiakeun ku pangantén awéwé, salaku asakan mimiti pikeun salakina sabada sah jadi salaki pamajikan[3].Hal ieu miboga harti yén ti mimiti harita para sepuh ti dua beulah pihak moal nguruskeun deui, moal méré dahar deui sakumaha anu lazim saméméhna[3].
Referensi
[édit | édit sumber]- ↑ Danadibrata,R.A.2006.Kamus Basa Sunda.Bandung:Kiblat Kaca 260
- ↑ a b c d e f g h Suhamihardja, A Suhandi.Spk.1993.FUNGSI UPACARA TRADISIONAL PADA MASYARAKAT PENDUKUNGNYA MASA KINI DI JAWA BARAT.DEPARTEMEN PENDIDIKAN DAN KEBUDAYAAN
- ↑ a b [Bratawidjaja, Thomas Wiyasa. 1990 . UPACARA PERKAWINAN ADAT SUNDA. Jakarta: Pustaka Sinar Harapan]
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |