Itrium

Ti Wikipédia Sunda, énsiklopédi bébas
Itrium

Itrium nyaéta hiji unsur kimia dina tabél périodik anu miboga lambang Y jeung nomor atom 39.[1] Itrium kaasup kana logam langka.[2] Itrium cukup stabil di udara ku sabab ngabentuk lapisan oksida stabil di bagéan luarna, tapi gampang dioksidasi nalika dipanaskeun.[2] Ieu unsur ngaréaksi jeung cai ku ngaleupaskeun gas hidrogén, sarta ngaréaksi jeung asam mineral.[2] Itrium teu sayaga di alam minangka unsur bébas sarta kapanggih di ampir sakabéh mineral langka jeung dina bijih uranium.[2] Bijih xénotime anu warnana konéng kacoklatan bisa miboga kandungan 50% itrium fosfat (YPO4) sarta ditambang di Malaysia.[2] Itrium ogé kapanggih dina mineral langka monazite kurang leuwih 2,5 %, jeung dina jumlah leutik dina mineral lian kayaning barnasite, fergusonite, jeung smarskite.[2] Pamakéan pangbadagna itrium téh nyaéta minangka oksida itria, Y2O3, anu dipaké dina nyieun fosfor beureum pikeun tabung tipi warna.[2] Itrium dipaké ogé minangka paduan logam dina jumlah leutik anu di antarana pikeun ningkatkeun kakuatan aluminium jeung magnésium.[2]

Rujukan[édit | édit sumber]

  1. "Tabel Periodik (Indonesian Periodic Table)". PTable. Diakses tanggal 3/14/2016. 
  2. a b c d e f g h "Itrium (Y): Fakta, Sifat, Kegunaan & Efek Kesehatannya". Amazine. Diakses tanggal 3/14/2016.  Archived 2016-07-11 di Wayback Machine