Jeruk purut

Ti Wikipédia Sunda, énsiklopédi bébas
Jeruk purut
Jeruk purut Ti Blanco
Klasifikasi ilmiah
Karajaan:
Divisi:
Kelas:
Subkelas:
Ordo:
Kulawarga:
Génus:
Spésiés:
C. × hystrix
Ngaran binomial
Citrus × hystrix

Jeruk purut atawa Jeruk lémo  ; kaffir lime (Citrus hystrix) nyaéta jeruk anu asalna tina kulawarga rutaceae. [1] Citrus tina basa latin anu hartina jeruk, hystrix tina basa Yunani anu hartina landak, jeruk purut buahna leutik (sakeupeul), kulitna kandel tur reregetan aya ogé anu ngajarendul, umpama dipocél kaangseu seungit matak seger. [1] Jangkung tangkalna bisa nepi ka 2 méter, kulit luarna lemes kelirna semu héjo mibanda cucuk anu maréncos tur paranjang, kulit jerona bodas semu krém. [2] Daunna héjo, pucukna héjo ngora. [2]

Ngaran Daérah[édit | édit sumber]

Unte Mukur, Unte Pangir (Batak), Lemau Kaffir, L. Sarakan (Lampung), Lemao Puruik (Minangkabau), Dema Kafalo (Nias), Limau Kaffirteen, Jeruk Seungit, Jeruk Purut (Sunda, Jawa), Jeruk Linglang, Jeruk purut (Bali), Mude Matang Bows, Mude Nelu (Flores).[3]

Kandungan kimia[édit | édit sumber]

Komposisi Daun mibanda tanin 1,8%, steroid triterpenoid, katut minyak asiri 1-1,5% v/b. Kulit buah ibanda saponin, tanin 1%, steroid triterpe- noid, sareng minyak asiri anu mibanda sitrat 2-2,5% v/b.[3]

Kagunaan[édit | édit sumber]

Dimangpaatkeun pikeun bungbu dapur dina rupa-rupa olahan kadaharan jeung inuman, di Indonesia jeung nagara Asia Tenggara, daunna ogé dimangpaatkeun pikeun campuran bungbu sayur anu meré seungit jeung rasa anu béda kana hasil olahan (rasa oriental) saperti sop "tom yam". [1]

Di Mandagaskar jeung sabudeureun Samudra Hindia geus taunan ngahasilkeun minyak tina daun jeruk purut sanajan dina jumlah anu masih saeutik, minyak daun jeruk purut mibanda zat anu disebut citronellal, ieu ogé mangrupa salah sahiji bahan panalungtikan di éta nagara. [4]

Dicuat tina[édit | édit sumber]

  1. a b c Sawamura, Masayoshi (2011). Citrus Essential Oils: Flavor and Fragrance. New Jersey: John Wiley & Sons. ISBN 9781118074381. 
  2. a b Wiart, Christophe (2006). Medicinal Plants of Asia and the Pacific. New Jersey: CRC Press. ISBN 9781420006803. 
  3. a b Lukas Tersono Adi, Ir. (2008). Tanaman Obat & Jus utk Mengatasi Penyakit Jantung, Hipertensi, Kolesterol & StrokeLukas Tersono Adi. Jakarta: Agromedia. p. 673. ISBN 9789790061958.  Disungsi28 Maret 2023
  4. ,Angelo Di Giacomo, Giovanni Dugo (2003). Citrus: The Genus Citrus. University of Messina, Italy: CRC Press. ISBN 9780203216613.