Kaca eunteung

Ti Wikipédia Sunda, énsiklopédi bébas
Kaca Eunteung

Kaca eunteung nyaéta geblégan kaca nu sabeulahna diulasan sabangsa cét pikeun ngeunteung, sok disebut ogé eunteung.[1] Nangtung hareupeun eunteung bisa nyaho kana rupa sorangan.[1][2]

Salila rébuan taun, kaca-kaca anu dipaké ku manusa dijieun tina logam anu geus digosok kuningan, parunggu, pérak, atawa emas.[3] Kira-kira dina taun 1300, para pengrajin di Venice manggihan hiji cara pikeun nyieun eunteung-eunteung ku kaca ku cara ngabeuleum lapisan cai raksa sarta timah.[3] Kalayan pohara gancang, eunteung-eunteung ti kaca ieu ngagantikeun eunteung-eunteung tina logam.[3] Tapi eunteung-eunteung kaca ieu téh jauh ti sampurna.[3] Dina taun 1691, di Perancis kapanggih hiji cara pikeun nyieun kaca lempengan.[3] Alatan kaca lempengan leuwih beurat sarta cemerlang, kaca éta jauh leuwih luyu pikeun eunteung-eunteung tinimbang kaca-kaca biasa.[3]

Kamajuan saterusna nyaéta dipakéna lapisan pérak ipis dina bagian tukang eunteung sarta lain tina campuran timah cai raksa.[3] Lain ukur ngan uap cai raksa anu picilakaeun pikeun para pagawé, tapi lapisan pérak anu anyar éta ogé mantulkeun leuwih loba sinar-sinar lampu sarta leuwih alus pikeun dipaké minangka eunteung.[3] Ieu ogé ngarah kana beuki gancangna prosés pembuatan sarta nyieun eunteung leuwih murah.[3]

Mangsa kiwari, kaca lempengan anu kandelna saparapat inci dipaké pikeun nyieun eunteung-eunteung kelas hiji.[3] Kaca dipotong nurutkeun ukuran anu dipikahayang kalayan ngagunakeun pemotong inten.[3] Di "pabrik pengasahan", tungtung-tungtung kaca dikokolakeun ku keusik sarta cai.[3] Saterusna, dilicinkeun jeung batu keusik lemes sarta digosok kana lawon-lawon panggosok anu dilapis ku pulas.[3]


Rujukan[édit | édit sumber]

  1. a b Danadibrata,R.A.2006.Kamus Basa Sunda.Bandung:Kiblat Buku Utama
  2. Jonathan, Rigg (1862). A Dictionary of the Sunda Language of Java. Universitas Harvard: Bataviaasch Genootschap van Kunsten en Wetenschappen. 
  3. a b c d e f g h i j k l m (id) Leokum, Arkady(1997) Aku Ingin Tahu Jilid 1 Jakarta:Quality Press