Kampung Daun
Kampung Daun mangrupa salah sahiji tempat kuliner anu aya di dayeuh Bandung.[1] Kalayan konsép Culture Gallery and Cafe, tempat dahar ieu siap ngawowoy nu datangna pikeun ngarasakeun kaayaan pilemburan anu tenang sarta tingtrim.[1] eung tambahan sagala rupa ornamen anu nyiptakeun kaayaan tradisional, Kampung Daun ogé nyadiakeun sagala rupa kadaharan tradisonal has Indonésia ogé kadaharan modérn ti nagara séjén.[1] Lokasi géografis Kampung Daun di Lembang anu diaping ku 2 gawir batu alami jeung hiji walungan anu nyérélék ti gunung Burangrang.[2] Konsép Kampung Culture Gallery Cafe nyaéta tradisional, anu leuwih ka arah pilemburan anu mangrupa wangun saung-saung lesehan kalayan 75% nyadiakeun menu-menu tradisional Indonésia.[2] Budaya jadi pintonan dina operational minangka dasar tematik Kampung Daun.[2] Saméméh asup ka jero Kampung Daun, ogé bisa mesen tempat leuwih tiheula.[3] Dina sisi kénca saméméh asup, ladén baris nanyakeun jumlah jelema anu baris asup.[3] Saterusna, maranéhanana baris nyaur ladén séjénna anu aya di jero sarta dibéré nomer saung tempat daharna.[3] Saung anu dibikeun biasana dumasar jumlah jelema alatan ukuran saung anu béda ku kituna kapasitas anu ditandé ogé béda. Di bagian hareup Kampung Daun, bisa nempo rupa-rupa dagangan .[3] Contona, aya padagang gulali, dodol, sarta kueh-kueh tradisional.[3] Teu tinggaleun, aya congklak anu bisa dicoo pikeun kaulinan .[3] Aya ogé panggung hiburan sarta galéri anu eusina rupa-rupa macem pakéan atawa souvenir anu bisa dibeuli.[3]
Rujukan
[édit | édit sumber]- ↑ a b c (id)wisata kampung daun[tumbu nonaktif] (diaksés tanggal 23 November 2011)
- ↑ a b c (id)wisata kampung daun[tumbu nonaktif] (diaksés tanggal 25 November 2011)
- ↑ a b c d e f g (id)alaminya kampung daun[tumbu nonaktif] (diaksés tanggal 25 November 2011)
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |