Kawah Darajat

Ti Wikipédia Sunda, énsiklopédi bébas
Loncat ke navigasi Loncat ke pencarian
Sabudeureun Kawah Darajat ditingali ti Darajat Pass

Kawah Darajat perenahna aya di Désa Padawaas, Kacamatan Pasirwangi, Kabupatén Garut.[1] Mangrupa bagéan tina barisan gunung Papandayan nu miboga sawatara gunung aktif kalawan 2 jumlah kawah.[2] Sanajan kitu ieu daérah miboga 24 sumur kawah minangka sumber panas bumi nu kiwari dijadikeun Pembangkit Listrik Tenaga Panas Bumi (PLTP) Darajat.[1][2]

Aya tilu sumur kawah nu dijieun jadi PLTP, nyaéta Darajat I, Darajat II, jeung Darajat III.[1] Ieu kawah padeukeut jeung Kawah Kamojang, wates antara Garut jeung Bandung.[1] Kiwari PLTP Darajat dikokolakeun ku Amoseas Indonesia Inc, anak perusahaan Chevron Texaco nu mangrupa pionir dina proyék pengelolaan panas bumi.[1][3] Amoséas gawé bareng jeung PT Pertamina sarta PT Perusahaan Listrik Negara (PLN) ngaliwatan anak perusahaanana, Indonesia Power.[1] Sedengkeun status kepemilikan lahan dicekel ku PT Perhutani.[3]
Salian ti dijadikeun PLTP, Kawah Darajat ogé jadi objék wisata nu sakurilingna dipapaés ku pagunungan jeung kebon-kebon nu kacida éndahna.[3] Di daérah Kawah Darajat urang bisa ngalakukeun tracking, ningali alam nu éndah sarta panalungtikan gunung api.[3] Lamun urang hayang datang ka Kawah Darajat, urang kudu miboga izin heula ti pihak Amoséas, lantaran daérah ieu mangrupa daérah industri.[3]. Di daérah Darajat, aya ogé tempat wisata salian ti kawah nyaéta cipanas nu mindeng dipaké ngojay.[3]

Wates administrasi kawah Darajat[édit | édit sumber]

  • Kalér: Désa Padawaas
  • Kulon: Daérah cagar alam
  • Kidul: Désa Sarimukti
  • Wétan: Désa Padawaas

Referensi[édit | édit sumber]

  1. a b c d e f Suhardiman,Budi&Darpan.2007.Seputar Garut.Garut:Komunitas Srimanganti (id)
  2. a b Kawah Darajat (Diakses tanggal 24 Oktober 2011) (id)
  3. a b c d e f Wisata Darajat (Diakses tanggal 24 Oktober 2011) (id)


Nulis.jpg