Kecap cohag

Ti Wikipédia Sunda, énsiklopédi bébas
Kecap cohag/kasar pisan dina kamus Sunda-Walanda Soendaneesch-Hollandsch woordenboek (1913) jieunan Sierk Coolsma ditandaan ku k.p., dina gambar di luhur, conto kekecapan anu ditandaan ku k.p. nyaéta kodjor (kojor).

Kecap cohag (aksara Sunda baku: ᮊᮨᮎᮕ᮪ ᮎᮧᮠᮌ᮪, palapalan basa Sunda: [kəcap t͡ʃohag], baheula kungsi dipikawanoh ogé minangka "kecap songong paranti nyarékan"[1]) atawa kecap kasar pisan nyaéta jinis kosakecap basa Sunda anu digunakeun dina ragam basa cohag. Ieu kecap sipatna ngasorkeun jeung teu ngaajénan mitra wicara. "Cohag" sorangan dina basa Sunda mibanda harti "hiji hal anu sipatna kasar pisan". Bentuk kekecapan cohag ilaharna teu miboga dasar tina sasaruaannana dina kecap loma ogé kecap lemes sarta bentukna béda pisan jeung dua jinis kecap éta.

Dina buku tatabasa atawa kamus-kamus basa Sunda anu nyebutkeun ieu kecap "kasar pisan", kecap cohag biasana ditandaan ku KP atawa kp.

Kosakecap[édit | édit sumber]

Ieu di handap mangrupa conto kecap cohag (anu dikandelan) jeung sasaruaannana dina kecap loma jeung kecap lemes.[2][3]

Cohag Loma Lemes
kokod leungeun panangan
molor saré kulem
kéok éléh kawon
sudi daék kersa
bentét seubeuh wareg
gegembung beuteung patuangan
begug bisa iasa

Tempo ogé[édit | édit sumber]

Rujukan[édit | édit sumber]

Catetan suku[édit | édit sumber]

  1. Ardiwinata 1984, pp. 4.
  2. Coolsma 1985, pp. 14.
  3. Coolsma 1985, pp. 43-45.

Daptar Pabukon[édit | édit sumber]

  • Coolsma, S. (1985) [1904]. Tata bahasa Sunda. Jakarta: Djambatan. OCLC 13986971. 
  • Ardiwinata, D.K. (1984) [1916]. Tata Bahasa Sunda. Jakarta: Balai Pustaka. OCLC 559541903. 

Tutumbu kaluar[édit | édit sumber]

Tempo Kategori:Kata cohag dina Wikikamus, kamus bébas.
Wikimedia Commons logo
Wikimedia Commons logo
Wikimedia Commons mibanda média séjénna ngeunaan