Kecap panengah
Kecap panengah (aksara Sunda baku: ᮊᮨᮎᮕ᮪ ᮕᮔᮨᮍᮂ, palapalan basa Sunda: [kəcap panəŋah]) nyaéta kosakecap basa Sunda anu digunakeun pikeun gunem catur atawa ngomongkeun jelema anu pangkat sarta kalungguhannana leuwih handap tapi umurna leuwih kolot, baheula jinis kosakecap ieu mibanda ragam basana sorangan nyaéta "basa panengah", ieu kecap wangenannana sok dipahilikeun jeung kecap sedeng.[1][2] Kaayeunakeun, biasana kecap-kecap panengah sok dipaké dina ragam basa loma jeung dianggap minangka kabeungharan kecap tina kecap loma atawa bisa ogé digunakeun dina ragam basa hormat ka sorangan.
Dina kamus-kamus basa Sunda, kecap panengah sok ditandaan ku pan.[3]
Kosakecap
[édit | édit sumber]Di handap ieu mangrupa conto kecap panengah (anu dikandelan) jeung sasaruaannana dina kecap loma jeung kecap lemes.
| Loma | Panengah | Lemes |
|---|---|---|
| balik | mulang | mulih |
| reuneuh | kakandungan | bobot |
| ngajuru | ngalahirkeun | ngababarkeun |
| paéh | maot | pupus |
| nempo | mireungeuh | ningali |
| ngadéngé | ngareungeu | ngadangu |
| nepi | cunduk | dugi |
Tempo ogé
[édit | édit sumber]Rujukan
[édit | édit sumber]Catetan suku
[édit | édit sumber]- ↑ Coolsma 1985, pp. 14.
- ↑ Ardiwinata 1984, pp. 8.
- ↑ Satjadibrata 2011, pp. 13.
Daptar Pabukon
[édit | édit sumber]- Coolsma, S. (1985) [1904]. Tata bahasa Sunda. Jakarta: Djambatan. OCLC 13986971.
- Ardiwinata, D.K. (1984) [1916]. Tata Bahasa Sunda. Jakarta: Balai Pustaka. OCLC 559541903.
- Satjadibrata, R. (2011). Kamus Sunda-Indonesia (3 ed.). Bandung: Dunia Pustaka Jaya. ISBN 978-979-419-889-6. OCLC 958849456.
Tutumbu luar
[édit | édit sumber]
