Kecap loma
Kecap loma (aksara Sunda baku: ᮊᮨᮎᮕ᮪ ᮜᮧᮙ, palapalan basa Sunda: [kəcap loma], ogé dipikawanoh salaku "kecap kasar" [1]) nyaéta kosakecap basa Sunda anu digunakeun dina ragam basa loma jeung mangrupa dasar pikeun sakur kekecapan basa Sunda, kabéh kecap salian kecap loma tangtu mibanda sasaruaan jeung kecap loma. Sacara étimologis, "loma" téh hartina akrab. Sawaréh kecap loma mibanda sasaruaan dina kecap lemes (kira-kira aya kana 400-500 siki),[2] ngan sawaréhna deui teu mibanda sasaruaan jeung kecap lemes, kecap sedeng jeung anu séjénna, kecap-kecap loma anu teu mibanda sasaruaan nanaon kawas kitu disebutna téh kecap anu teu boga undakan nu matak bisa dipaké dina kabéh ragam basa.
Dina kamus-kamus atawa buku tatabasa Sunda anu nyebutkeun kecap loma minangka kecap kasar, ieu kecap ditandaan ku k atawa K.
Kosakecap
[édit | édit sumber]Ieu di handap mangrupa conto kecap loma (anu dikandelan) jeung sasaruaannana dina kecap lemes.[3]
| Loma | Lemes |
|---|---|
| mandi | siram |
| hayang | palay |
| dahar | tuang |
| nginum | ngaleueut |
| leumpang | nyacat |
| sirah | mastaka |
| beuheung | tenggek |
Conto kecap loma (anu kandel) anu teu boga-boga acan sasaruaan di antarana nyaéta"[3]
| Indonésia | Sunda |
|---|---|
| berapa | sabaraha |
| apa | naon |
| itu | itu |
| kapan | iraha |
| mengapa | kunaon |
| siapa | saha |
| enam | genep |
Salian ti éta aya ogé kecap loma (anu kandel) anu mibanda sasaruaan dina kabéh jinis kecap, di antarana nyaéta:[4]
| Cohag | Loma | Panengah | Sedeng | Lemes | Lemes pisan |
|---|---|---|---|---|---|
| aing | kuring | kula | abdi | jisim abdi | abdi gusti |
| sia | manéh | anjeun | salira | gamparan | dampal gusti |
| ngabangus | ngomong | sasauran | nyanggem | nyarios | ngandika |
| ngajangkor | indit | miang | mios | angkat | jengkar |
| pucunghul | datang | cunduk | dongkap | sumping | rawuh |
| kojor | paéh | maot | nilar | pupus | perlaya |
| pamoloran | enggon | pasaréan | pamondokan | pangkuleman | pajuaran |
Tempo ogé
[édit | édit sumber]Rujukan
[édit | édit sumber]Catetan suku
[édit | édit sumber]- ↑ Ardiwinata 1984, pp. 4.
- ↑ Kats 1982, pp. 2.
- ↑ a b Coolsma 1985, pp. 14.
- ↑ Coolsma 1985, pp. 15.
Daptar Pabukon
[édit | édit sumber]- Coolsma, S. (1985) [1904]. Tata bahasa Sunda. Jakarta: Djambatan. OCLC 13986971.
- Ardiwinata, D.K. (1984) [1916]. Tata Bahasa Sunda. Jakarta: Balai Pustaka. OCLC 559541903.
- Kats, J; Soeriadiraja, M (1982) [1921]. Tata Bahasa dan Ungkapan Bahasa Sunda. Jakarta: Djambatan. OCLC 69116948.
Tutumbu kaluar
[édit | édit sumber]
