Kekeb

Ti Wikipédia Sunda, énsiklopédi bébas
Loncat ke navigasi Loncat ke pencarian
Kekeb dipaké nuruban sééng

Kekeb (turub) nyaéta pakakas tina sasapan (anyaman) awi pikeun nuruban sangu mangsa diasakan dina sééng sangkan asak kalawan rata.[1] [2][3] Upama geus asak sanguna katémbong ngebul kaluar tina luhureun kekeb hartina sangu geus bisa dijait pikeun diarihan. [4] Kekeb bisa ogé dipaké nuruban asakan anu diseupan sangkan gancang asak, nuruban dahareun séjén sangkan henteu kakebulan.[4] Waguna kekeb buleud semu kembu (cembung) kawas nyiru ngan leuwih leutik tur aya panyepenganna tina taneuh teula atawa tali paranti ngajungjungkeun kekeb atawa nunda kekeb mangsa teu dipaké.[5] Gedé leutikna kekeb disaluyukeun jeung ukuran sééng.[5] Sagigireun tina sasapan awi aya ogé di sababaraha daérah hususna di Jawa, kekeb téh dijieun tina taneuh teula wangunna kawas coét ngan leuwih ngalegok tur di luhurna aya cacangked buleud paranti ngajungjungkeun.[6]


Dicutat tina[édit | édit sumber]

  1. Johnatan, Rigg (1862). A Dictionary of the Sunda Language of Java. Universitas Harvard: Bataviaasch Genootschap van Kunsten en Wetenschappen, 1862. 
  2. "Dandang, Spesialis untuk “Adang” Nasi (2)". Tembinews. 2013-02-13. Diakses tanggal 2017-08-05. 
  3. Sastro Utomo, Sutrisno (2007). Kamus lengkap Jawa-Indonesia. Jakarta: Kanisius. ISBN 9789792117448. 
  4. a b Ketut Suci, Ni (1986). Pengolahan makanan khas Bali. Jakarta: Proyek Penelitian dan Pengkajian Kebudayaan, Departemen Pendidikan dan Kebudayaan dari Universitas Michigan. 
  5. a b Seraya, I Made (2007). Museum Bali salah satu sumber informasi kebudayaan Bali dalam rangka membina cinta budaya. Jakarta: Proyek Pengembangan Permuseuman Bali, Direktur Jenderal Kebudayaan, Departemen Pendidikan dan Kebudayaan dari Universitas Michigan. 
  6. Mujab (Citakan:Citation/showdateError). "Racing to Know the Rarest of Rhinos, Before It’s Too Late". caping. http://caping.lsdpqt.org/2014/02/konsep-peralatan-dapur-orang-jawa.html. Diakses pada 2017-07-05 
Nulis.jpg