Kasenian Subang
Kasenian Subang nyaéta seni anu asalna ti wewengkon Subang, Jawa Kulon.Aya rupa-rupa kasenian khasna nyaéta Sisingaan, Genjring Bonyok, Toléat, Doger kontrak, Gembyung jeung Nadran.
Doger Kontrak
[édit | édit sumber]Doger Kontrak nyaéta kasenian rakyat Subang anu geus mimiti mekar saméméh kamerdikaan (1945), anu dimimitian nalika pausahaan Perkebunan P&T Lands anu mangsa harita dikawasa ku pamaréntahan Walanda méré ijin ayana pertunjukan kasenian doger di kontrak-kontrak perkebunan anu aya di daérah Subang salaku males kahadéan buruh jeung pikeun hiburan[1].Saméméhna buruh perkebunan teu meunang boga hubungan jeung dunya luar[1].Doger kontrak boga bébédaan jeung doger séjénna, dina doger kontrak aya kolaborasi antara tradisi(ketuk tilu) jeung tari keurseus[1].
Gembyung
[édit | édit sumber]Gembyung nya adalah énsambel musik anu kawengku tina sababaraha waditra terbang jeung tarompét anu mangrupa jenis kasenian anu berbau islam[2]. Sanajan kitu, dilapangan loba kasenian gembyung anu teu maké tarompét[2].Gembyung mangrupa jenis kasenian tradisional khas daerah subang anu masih aya nepi ka ayeuna[2]. Gembyung biasa dipaénkeun pikeun hiburan rakyat kayaning pesta sunatan jeung nikahan atawa acara hiburan séjénna, ogé dina acara ruwatan bumi, ménta hujan jeung mapag dewi sri[2]. dina kamekaranana kiwari, gembyung teu ngan saukur seni auditif, tapi geus jadi seni pintonan anu ngalibetkeun unsur seni séjénna kayaning seni tari[2].
Sisingaan
[édit | édit sumber]Sisingaan mangrupa salah sahiji kasenian khas daérah Subang anu nepi ka kiwari masih dipiara kalawan hadé, nepi ka geus kawentar di dunya internasional[3]. Kasenian Sisingaan geus lila aya di masarakat Subang nalika ngalawan penjajah baheula salaku tanda pikeun berontak ka penjajah anu harita téh nyaéta Nagara Inggris anu lambangna téh singa[3]. Salaku nagara anu dipikasieun diléléwé ditaékan ku budak leutik di handapeun tonggongna salaku lambang yén rakyat subang anu teu sieun ngalawan[3].kiwari kasenian sisingaan téh aya dina helaran pikeun acara-acara husus kayaning narima tamu kahormatan, acara sunatan, jeung sajabana[3]. Unggal taun aya festival sisingaan anu diiluan ku sakabéh kacamatan anu aya di kabupatén Subang pikeun ngareuah-reuah acara HUT kabupatén Subang anu dipiéling unggal ping 5 April[3].
Catetan
[édit | édit sumber]
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |