Kiripik kentang

Ti Wikipédia, énsiklopédia bébas
Luncat ka: pituduh, paluruh
Kiripik kentang

Kiripik kentang téh nyaéta siksikan kentang aripis anu geus digoréng, digarang atawa disangray sangkan jadi garing jeung rangu.[1] Ari kiripik kentang biasana disuguhkeun salaku jajanan, cemilan atawa kadaharan bubuka.[1] Kiripik kentang diolah sarta diuyahan, umumna mah ditambahan ogé mangrupa-rupa samara supaya ponyo didaharna.[1] Loba pisan rupa-rupa rasa nu jieunna, jiga rasa kéju, rasa alami, rasa hayam, rasa sapi jeung sajabana.[1] Ari saenyana mah kiripik kentang téh dina ngolahna teu ngan bahan utama kentang hungkul nu dipakéna, tapina ogé sok dicampuran ku jagong, sampeu, cau, boléd, wortel atawa ogé bahan lianna salaku pangrasa husus téa.[1]

Perhatian badag ngeunaan kiripik kentang samarana nu jieun tina uyah, kandungan sodiumna loba teuing.[2] Ieu patalina jeun masalah kaséhatan jiga tekanan darah tinggi, jeung anu beuki kana ngadahar kiripik kentang komo bari kamalinaan mah bisa nyababkeun obésitas.[2] Panalungtik di Queen Mary, University of London taun 2004 nyatet yén sakantong kiripik kentang asin téh ngandung loba pisan uyah jiga mérek Special K, All-Bran, Golden Grahams, Cheerios, Shreddies, Cornflake jeung sakumna mérek anu dijual di Inggris.[2] Sawatara parusahaan kiripik kentang geus ngahaminan cawadan éta kalawan nginvestasi dina panalungtikan jeung pangembangan pikeun ngamodifikasi résép nu aya sarta nyiptakeun produk nu sadar kaséhatan.[2]

Rujukan[édit | édit sumber]

  1. a b c d e The Inspiration Shots. Snack Time “Potato Crisps”. Ditempona tanggal 17 Mei 2017.
  2. a b c d Revolvy. Potato Chips. Ditempona tanggal 17 Mei 2017.