Layung
.jpg)
Layung nyaéta cahaya panon poé nu hibar luhureun langit beulah kulon mangsa panon poé surup atawa méh surup.[1] Alatan ayana réfraksi atmosfir nu ngabalukarkeun panon poé masih kénéh katempo sanajan geus aya di sahandapeun horison (wates téténjoan).[2] Robahna kelir di langit (sakapeung semu beureum atawa kayas), ku alatan cahaya panon poé keuna kana haseup jeung partikel leutik ogé aérosol cair nu aya di atmosfir.[3]
Caang jeung henteuna layung gumantung kana kaayaan atmosfir mangsa harita, naha loba haseup atawa cékas langitna.[2] Sababaraha kajadian alam nu rongkah bisa nimbulkeun layung sanajan geus peuting, saperti ayana kahuruan gedé di leuweung, gunung bitu, jeung sajabana.[4] Haseup jeung silalatu nu ngelun ka luhur baris katojo ku cahaya panon poé tur ngajadikeun cahaya layung nu hibar, kungsi kajadian taun 1883 jeung 1991 mangsa gunung krakatau bitu, layung gedé hibar di langit aya kana sababaraha poé.[5] Layung dimangpaatkeun pikeun cicirén mangsa geus asup wanci solat magrib jeung Isya.[1]
Dicutat tina
[édit | édit sumber]- ↑ a b Rais, Rohidzir (2011). Anda Bertanya Ustaz Menjawab mengenai Solat. PTS Islamika. ISBN 9789673662593.
- ↑ a b Tentang Cinta. 2002. ISBN 9786022200260.
- ↑ Two Lovely Hearts: Cinta pertama…. Ketika irama rindu mengalun, tiada lelahnya ia menari di relung jiwa. ISBN 9786028811217.
- ↑ Science Made Simple Archived 2004-11-02 di Archive.today
- ↑ Red Sunset, Green Flash
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |