Limbad

Ti Wikipédia Sunda, énsiklopédi bébas
Gambar:Limbad.jpg
Limbad

Limbad nyaéta pesulap asal Indonesia anu naratas debutna ti saprak SMA kénéh[1]. Limbad anu lahir di Tegal, Jawa Tengah, 6 Juli 1972 ieu kasohor sabada disinugrahan salaku Master Magician (pesulap ahli) dina acara The Master session 2 anu ditayangkeun ku RCTI[1][2]. Tina sakabéh pamilon The Master, Limbad anu paling misterius, sabab Limbad mah jarang pisan ngomong[2]. Limbad nikah jeung Susi Indrawati, Limbad boga tilu anak, di antarana: Muhammad Mahardika, Gina, jeung Kesya[1]. Salian jadi asisténna, SUsi ogé nyaéta juru bicara anu nepikeun pamikiran-pamikiran Limbad ka média massa[1].

Limbad boga manuk Bueuk anu dingaranan Burhan (singgetan tina burung hantu), ieu manuk sok dibabawa ku Limbad[1]. Ceuk Limbad sorangan, ieu manuk téh meunang manggih 10 taun ka tukang dina kayaan hampir paéh, ku lantaran karunya, ieu manuk téh diingu nepi ka ayeuna[1]. Ku para fans Limbad (Limbaders), ieu manuk dilandi Limbird[1].

Atraksi-atraksi anu dipintonkeun ku Limbad loba diadaptasi ti atraksi Criss Angel dina acara anu judulna Criss Angel Mindfreak[1]. Bukti nyatana nyaéta atraksi digéléng buldoser jeung atraksi digantung ku helikopter, ieu atraksi ditayangkeun dina hiji stasion TV Amerika Serikat dina Criss Angel Mindfreak session 3, taun 2007[1].

Saacan Limbad kasohor saperti ayeuna, manéhna nyaéta penaséhat spiritual pikeun Instansi Markas Besar Komando Pengendalian Stabilitas Ketahanan Nasional dan Pengendalian Pers Informasi Negara[2]. Limbad anu jadi produser pilem Tumbal Jenglot ieu meunangkeun gelar doctor honoris causa ti Universitas Kesejahteraan Muslim Indonesia, Depok, sedengkeun gelar sarjana hukumna dimeunangkeun ti Universitas Pancasakti Limbad meninggal di Hong Kong, China [2].

Référénsi[édit | édit sumber]

  1. a b c d e f g h i Profil Limbad-selebonline.com Archived 2011-08-05 di Wayback Machine (diaksés tanggal 24 Nopémber 2011)
  2. a b c d Profil Limbad-Kapanlagi.com (diaksés tanggal 24 Nopémber 2011)