Sulap

Ti Wikipédia Sunda, énsiklopédi bébas
Tom Stone pesulap asal Swédia

Sulap nyaéta seni pintonan nu diminati ku sabagéan masarakat dunya, ku lantaran pintonan ieu bisa nimbulkeun rasa kapanasaran pamiarsana ku trik-trik nu dipintonkeuna.[1] Sulap mangrupa gabungan ti sababaraha seni, di antarana seni tari, seni musik, seni rupa, jeung sajabana.[1] Salian ti éta sulap mangrupa gabungan tina sababaraha disiplin élmu, saperti élmu fisika, élmu biologi, élmu kimia, élmu psikologi, jeung élmu-élmu séjénna.[1] Seni sulap lain mangrupa kaparigelan klenik atawa supranatural, ku lantaran trik sulap bisa dijelaskeun.[1] Sulap sabenerna kaparigelan leungeun, manipulasi, hasil gawé ti hiji benda, bisa ogé tina efek nu timbul ti réaksi kimia.[1]

Sajarah[édit | édit sumber]

Taun 1700 SM, aya bukti dokumén paling heubeul dina lembaran papyrus, nyebutkeun yén ditimukeun pintonan sulap.[2] Saurang pesulap Mesir ngaranna Deddy, diundang pikeun ngahibur Raja Cheops.[2] Salah sahiji ti trik nu dipintonkeunna nyaéta motong hulu sato tuluy dibalikeun deui kana kayaan mimiti.[2] Ku Raja, Deddy dititah ngulang sulapna kalayan conto saurang tahanan.[2] Deddy teu daékeun nu akhirna nyien Raja kuciwa, tapi manéhna ngulang trikna ka hiji sapi.[2]

Trik Cups and balls nyaéta salah saiji trik sulap nu paling heubeul.[2] Egyptologis nyebutkeun yén aya cutatan lukisan di kuburan Mesir Tua di Beni Hasan nu umurna sakitar 2500 - 2200 taun SM.[2] Lukisan ieu ngagambarkeun dua jalma nu keur ngoméan opat cangkir.[2] Cups and balls mangrupa trik nu apling heubeul jeung masih kasohor nepi ka kiwari.[2]

Di abad ka-18 sulap jadi hiji pintonan anu kasohor.[2] Isaac Fawkes (1675 - 1731) nyaéta saurang pesulap nu ngawanohkeun sulap di Inggris.[2] Salian ti Isaac Fawkes aya ogé pesulap séjénna saperti Giuseppe Pinetti (1750 - 1800), lahir di Itali.[2] Manéhna kacida kasohorna nepi ka sok minton di kulawarga karajaan.[2] Tapi di taun 1783, nalika manéhna keur maén sulap di Paris, Henri Decremps saurang ahli hukum ngabongkar trik sulap Pinetti anu ditulis dina hiji buku.[2] Tapi hal ieu malah ngajadikeun pinetti leuwih kasohor di dunya sulap.[2] Taun 1784, manéhna ngayakeun pintonan di Haymarket Theatre, London, salah sahiji acara penting ku lantaran mangrupa mangsa peralihan ti seni sulap jalanan jeung féstival Pekan Raya jadi pintonan téater.[2] John Henry Anderson (1814 - 1874) nyaéta pesulap ti Skotlandia nu sering disebut The Wizard of the North.[2] Manéhna suksés di Eropa, Amérika jeung Australia.[2] Manéhna kasohor ku trik sulap na kalayan maké pakakas ti pérak solid.[2] Tapi manéhna kungsi malarat nalika téater manéhna kabakaran.[2] Saprak harita masarakat mikawanoh sulap salaku salah sahiji seni pintonan.[2]

Rujukan[édit | édit sumber]

  1. a b c d e Wangenan Sulap[tumbu nonaktif] (Diakses tanggal 20 November 2011)
  2. a b c d e f g h i j k l m n o p q r s t u Sajarah Sulap Archived 2022-11-30 di Wayback Machine (Diakses tanggal 20 November 2011)