Markisa

Ti Wikipédia Sunda, énsiklopédi bébas


Markisa/Pasi
Buah Markisa madu nu di potret enjing-enjing saatos hujan.
Klasifikasi ilmiah
Karajaan:
Divisi:
Spermathopyta
Ordo:
Kulawarga:
Génus:
Spésiés:
P. edulis
Ngaran binomial
Passiflora edulis

Markisa atawa pasi (Passiflora edulis) mangrupa buah anu boga sagudang mangpaat.[1] Lantaran loba nutrisina, buah markisa ieu bisa jadi antioksidan kanker.[1] Buah ieu ogé alus pikeun ngalawan panyakit inféksi kandung kemih, anémia, alzheimer, jantung, lever, sarta ginjal.[1][2] Pepelakan markisa asalna ti Brazil, anu sumebar nepi ka ka Indonésia.[3] Di nagara asalna markisa tumuwuh liar di leuweung-leuweung baseuh anu miboga ratusan Species Passiflora.[3] Di Indonésia, markisa kapanggih di Sumatera Kalér, Sumatera Kulon, Lampung sarta Sulawesi Kidul.[3] Anyar-anyar ieu BPTP Sumbar geus manggihan 2 jenis varietas markisa anyar, nyaéta “Markisa Gumanti” sarta “Markisa Super Solinda”.[3] Opat jenis markisa anu dibudidayakeun di Indonésia nyaéta markisa wungu (Passiflora edulis var. edulis), markisa konyal (Passiflora lingularis ), markisa konéng (Passiflora edulis var. flavicarpa) sarta markisa erbis (Passiflora quadrangularis). Markisa wungu loba dimekarkeun di Sumatera Kalér sarta Sulawesi Kidul.[3]

Mangpaat Markisa[édit | édit sumber]

Perlu dipikanyaho, pepelakan markisa loba méré mangpaat pikeun manusa.[3] Kembang markisa bisa dimangpaatkeun jadi minyak atsiri pikeun bahan dasar kosmétika anu miboga peunteun ekonomis anu luhur.[3] Eusi buah markisa bisa dimangpaatkeun pikeun sari buah atawa ékstrak buah atawa puree (bahan dasar pikeun nyieun sirop markisa), siki markisa anu geus digaringkeun bisa dimangpaatkeun pikeun minyak atsiri ogé.[3] Kulit markisa anu dipiceun sanggeus eusina dipaké pikeun puree bisa dipaké pikeun kadaharan ingon-ingon sanggeus difermentasi leuwih heula.[3]

Markisa nyieun leuwih gampang saré

Markisa beunghar vitamin-vitamin B anu nyieun rasa tenang sarta potassium anu nyieun tenang system syaraf.[4] Jalma-jalma Amérika Kidul sacara tradisional ngadahar markisa pikeun mantuan saré.[4] Komo nurutkeun maranéhanana, dahar 1 buah markisa saméméh saré bisa nyieun ngimpi éndah.[4] Markisa miboga khasiat pikeun nyageurkeun gejala alergi kronis.[4] Ogé mulangkeun deui kaayaan pasien liver sarta ginjal, sarta micu kanaékan kakebalan awak sarta kakuatan antibodi dina getih.[4] Komo, markisa ogé sanggup ngayak, misahkeun, sarta miceun racun ti dina awak. Sajaba ti éta, bisa ngaronjatkeun kesegeran kulit awak sarta ngarangsang tumuwuhna sél ngora dina kulit beungeut.[4] Ti hasil panalungtikan laboratorium, markisa ngandung vitamin C anu dosisna luhur sarta antioksidan.[4]

Rujukan[édit | édit sumber]

  1. a b c (id) [file:///D:/Menyesap%20Laba%20Sirup%20Markisa%20-%20KOMPAS.com.htm] (Dicutat tanggal 01 Desember 2011)
  2. Priyadi, H., Takao, G., Rahmawati, I., Supriyanto, B., Nursal, W. I., Rahman, I. (2010). Five hundred plant species in Gunung Halimun Salak National Park, West Java: a checklist including Sundanese names, distribution and use. CIFOR, Bogor, Indonésia. ISBN 978-602-8693-22-6 [1]
  3. a b c d e f g h i (id) [file:///D:/Markisa%20%20%20Buah%20Seksi%20Nan%20Ekonomis.htm] (Dicutat tanggal 01 Desember 2011)
  4. a b c d e f g (id) [2] Archived 2022-12-08 di Wayback Machine (Dicutat tanggal 01 Desember 2011)