Mocca (grup musik)
Mocca nyaéta grup musik asal Bandung anu personilna Riko Prayitno (gitar), Arina Ephipania (vokal jeung flute), Achmad Pratama (bass), jeung Indra Massad (drum)[1][2]. Awalna, Arina jeung Riko nyaéta babaturan sakampus di Institut Teknologi Nasional (Bandung) (Itenas), maranéhna kagabung dina grup musik kampus taun 1997, alatan teu sapaham jeung personil séjénna, Arina jeung Riko ngabentuk Mocca[1][2]. Dua taun ka hareupna, Arina jeung Riko papanggih jeung Indra katut Toma, terus duanana asup ka Mocca[1][2]. Mocca munggaran muncul dina kompilasi Delicatesse taun 2002[1][2].
Nepi ka ayeuna, Mocca masih panceg dina indie label, keur Arina saparakanca nu penting mah ngalaksanakeun hiji hal kalayan senang haté jeung ihlas, hasilna pasti bakal maksimal[3]. Ti awalna ogé, Mocca mah lain ngudag popularitas, ku kituna Mocca henteu asup major label[3]. Lagu-lagu Mocca sorangan loba maké basa Inggris, alesanna mah ngarah gampang nuliskeun rumpaka lagu anu saluyu jeung warna musik Mocca anu aliranna swing jazz, twee pop, ditambah suasana 60-an[2].
Diskografi[édit | édit sumber]
Debut albumna dimimitian dina judul My Diary anu dirilis taun 2003, ieu album payu di Pasar musik, lagu-laguna Secret Admirer jeung Me and My Boyfriend jadi hits dimamana[2]. Mocca ngarilis album kaduana taun 2005 kalayan judul Friends masih dina indie label, dina ieu album Mocca ngajak musisi-musisi kawentar dina laguna saperti Bob Tutupoli jeung duo Club 8 asal Swedia[1]. Taun 2007, Mocca ngarilis album katiluna Colours, ieu album ngamuat matéri anyar kaasup mawakeun lagu musisi séjén (covering), di antarana: lagu Hyperballad (Björk) jeung Sing (The Carpenters) sarta kolaborasi jeung Pelle Carlberg anu kungsi jadi tamu dina acara LA Light Indiefest dina lagu Let Me Go[1]. Album nu panganyarna nyaéta Happy Birthday[3].
Album[édit | édit sumber]
Référénsi[édit | édit sumber]
- ↑ a b c d e f Mocca-Indonesiantunes (diaksés 11 Nopémber 2011)
- ↑ a b c d e f Mocca-Hot.detik.com[tumbu nonaktif] (diaksés tanggal 11 Nopémber 2011)
- ↑ a b c Mocca-Berita Kapanlagi (diaksés tanggal 11 Nopémber 2011)
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |