Munisipalitas Kristinehamn

Ti Wikipédia, énsiklopédia bébas
Luncat ka: pituduh, sungsi
Munisipalitas Kristinehamn
Kristinehamns kommun
Munisipalitas
Lambang Munisipalitas Kristinehamn
Lambang
Kristinehamn Municipality in Värmland County.png
Nagara Swédia
County County Värmland
Tempat Kristinehamn
Aréa[1]
 • Total 1.384,44 km2 (53,454 sq mi)
 • Land 753,12 km2 (29,078 sq mi)
 • Water 631,32 km2 (24,375 sq mi)
  Area as of January 1, 2014.
Populasi (December 31, 2014)[2]
 • Total 24.114
 • Dénsitas 0.17/km2 (0.45/sq mi)
Time zone CET (UTC+1)
 • Summer (DST) CEST (UTC+2)
ISO 3166 code SE
Propinsi Värmland
Kodeu munisipalitas 1781
Website www.kristinehamn.se

Munisipalitas Kristinehamn nyaeta salasahiji munisipalitas di Swédia nu aya di Counti Värmland, di beulah kulon tengah Swédia. Ibukotana di kota Kristinehamn, pangeusina 18,000 urang, luhur kotana 67 méter. Kota nu leuwih leutikna nyaéta Björneborg, Bäckhammar, Nybble jeung Ölme.

Géografi[édit | édit sumber]

Kristinehamn aya di sabudeureun situ Vänern. Persisna, Kristinehamn aya di hiji tempat dimana walunganVarnan jeung walungan Löt ngamuara kana situ.

Kristinehamn mibanda palabuan nu jadi puseur angkutan karéta api jeung mobil.

Kota nu deukeuteunnana nyaeta Karlskoga jeung Karlstad nu aya di tengah-tengah Oslo, Stockholm jeung Göteborg kalayan jarak 250 km ka masing-masingna.

Sajarah[édit | édit sumber]

Kristinehamn taun 1700, karya dina Suecia antiqua et hodierna.

Lokasi ieu geus dicicingan mangabad-abad lilana, sahanteuna ti saprak jaman batu mula. Kota ieu satuluyna diwangun sapanjang sasak di saluhureun walungan Varnan. Harita ngaranna Broo (atawa Bro) nepi ka 1642, tur "Bro" teh harti tarjamahna "Sasak" dina basa Swédia.

Kristinehamn meunang Royal Charter munggaran taun 1582 tapi leupas deui taun 1584, sarta meunang deui taun 1642, tur ngaganti ngaranna pikeun panghormatan raja Ratu Christina ti Swédia. Satuluyna kota ieu jadi salasahiji kota bersejarah di Swédia. Kalengkepan kota dirancang maké bojort, nu mangrupa kapal Walanda nu digunakeun dina abad ka-17.

Kaayaan kota[édit | édit sumber]

Salasahiji kaayaan di juru kota Kristinehamn, ahir usum salju, awal usum semi.

Kristinehamn dieusian ku pangeusi asli urang Swédia, katambahan ku pendatang ti Turki, India, Muangthai, Cina, Koréa jeung lian-lianna. Dina usum tiis (salju) ti Désember nepikeun ka Maret, Kristinehamn kacida sepina. Hawana bisa nepikeun ka -20-an darajat Célsius. Ti usum semi, komo panas mah, mulai loba pangeusi nu pasuliwer di sabudeureun kota.

Wangunan-wangunan di Kristinehamn saperti ilaharna wangunan di Swédia, loba nu dijieun tina kayu. Wangunannana ararantik, has wangunan Éropa.

Transportasi[édit | édit sumber]

Di Kristinehamn, kalolobaan pangeusina miboga mobil sorangan. Pikeun transportasi umum, aya beus nu ngurilingan kota (Swebus). Beus ogé mangrupakeun transportasi umum pikeun ka kota sabudeureunnana saperti Karlstad, Karlskoga, jeung lianna. Pikeun jarak jauh saperti ka Stockholm (250 km), bisa migunakeun karéta api.

Tempat nu menarik[édit | édit sumber]

Patung Pablo Picasso
  • Di basisir situ Vänern ngadeg 15 méter patung Pablo Picasso ti taun 1965.
  • Batu runik pangkunona di county Värmland nu aya di Järsberg, kurang leuwih 1 km saluareun kota, nu asalna tina 500 SM. Tarjamah pangpandeurina tina runik ieu dijieun ku Sven B F Jansson. Cutatannana: "Ngaran kuring "Ljuv". Ngaran kuring "Ravn". Kuring "Eril" nu nyieun runik ieu". Mutiara ti jaman harita ogé kapanggih di wewengkon ieu.
  • Pulo abad panengah Saxholmen, ayana di kapuloan Kristinehamn nu éndah. Geus aya sababaraha penggalian arkéologis di pulo ieu salila sababaraha tun katukang. Aya mitos di Saxholmen yén Saxe av Sachsen nu bengis jeung pinuh ku kacua kungsi hirup di pulo ieu jeung pamajikan sarta pelayanna. Pamajikannana katarik ati ku kabogohna.
  • Garéja Kristinehamn dirancang ku Profésor C.G Brunius sarta munggaran dibuka taun 1858. Garéja ieu ogé mibanda musieum dina galeri sanctuary nu perlu ditempo sabab arsitékturna kacida unik tur mangrupakeun katedral hiji-hijina di County Värmland.
  • Kapel Östervik nyaéta hiji garéja leutik nu unik nu mibanda sajarah jeung arsitéktur nu narik.
  • Folk Museum, imah cét beureum nu dijieun tina kai, nyuruwukna cai, katut domba mangrupa sawangan nu éndah. Lundbomsgården mangrupa hiji imah kelas panengah ti abad ka-19, panggilingan ti abad ka-17 awal.
  • Imah Värmlands Säby Manor boga tipikal kualitas abad ka-18 kalayan kompor ubin katut permadani nu diecét. Aya ogé jajaring pager unik nu ngawengku 1747 semak.


Tumbu luar[édit | édit sumber]


Munisipalitas di County Värmland
Arvika | Eda | Filipstad | Forshaga | Grums | Hagfors | Hammarö | Karlstad | Kil | Kristinehamn | Munkfors | Storfors | Sunne | Säffle | Torsby | Årjäng
County di Swédia | Swédia

Murkrona.svg Munisipalitas Kristinehamn nyaéta salasahiji tina 134 kota kalayan Status kota di Swédia nu bersejarah.

  1. "Statistiska centralbyrån, Kommunarealer den 1 januari 2014" (dalam bahasa Swedish) (Microsoft Excel). Statistics Sweden. Diakses pada 18 April 2014. 
  2. "Folkmängd i riket, län och kommuner 31 december 2014" (dalam bahasa Swedish). Statistics Sweden. Diakses pada 1 Maret 2015.