Koréa

Ti Wikipédia, énsiklopédia bébas
Luncat ka: pituduh, paluruh
Koréa

Koréa nyaéta hiji semenanjung anu aya di Asia Wétan. Diwatesan ku Laut Konéng di kulon, Selat Koréa di kidul, Laut wétan (Laut Jepang) di wétan, sarta wilayah Manchuria di kalér. Kiwari, Koréa dibagi dua nagara, nyaéta Koréa Kalér sarta Koréa Kidul.

Sajarah[édit | édit sumber]

Urang Koréa percaya yén baheula (kira-kira abad 3-2 abad SM) aya hiji karajaan anu ngaranna Joseon (kiwari sok disebut Gojoseon sangkan henteu pahili jeung karajaan Joseon anu didirikeun abad ka-14).

Geus kitu, aya karajaan-karajaan saperti Silla, Baekje, Goguryeo, Gaya, jsb. Karajaan-karajaan éta bertahan ti abad ka-1 nepi ka abad ka-6.

Abad ka-6 M, karajaan Silla ngéléhkeun karajaan-karajaan anu aya di semenanjung Koréa, anu disebut ogé Karajaan Silla Ngahiji. Tuluy, karajaan Goryeo jadi pangawasa di Koréa nepi ka abad ka-14.

Abad ka-14,Yi Seong-gyé, pendiri karajaan Joseon ngéléhkeun Goryeo, sarta Koréa berkembang pesat. Karajaan Joséon bertahan salila kurang leuwih lima abad.

Tuluy, Kaisar Gojong ti Koréa ngagenti karajaan Joséon jadi Kekaisaran Han Raya, tuluy ngayakeun réformasi di Koréa. Kekaisaran Han Raya bertahan salila 13 taun saacan anéksasi Jepang.

Ti taun 1910-1945, Koréa dijajah ku Jepang. Taun 1945, wilayah koréa dibagi dua dumasar garis lintang 38 darajat. Bagian kidul diawas ku Amérika Serikat, sedengkeun wilayah koréa bagian kalér diawas ku Uni Soviét. Masing-masing ngumumkeun kamerdikaanna sacara terpisah.

Tingali ogé[édit | édit sumber]

Nulis.jpg