Nomer Pokok Sakola Nasional

Ti Wikipédia Sunda, énsiklopédi bébas
(dialihkeun ti NPSN)

Nomer Pokok Sakola Nasional (NPSN) nyaéta kodeu pangwanoh pikeun sakola di Indonesia anu unik sarta ngabédakeun hiji sakola jeung sakola séjénna.

Ati sistimna lumaku sacara nasional sarta ngagantikeun kodeu-kodeu saméméhna kayaning NIS (Nomer Induk Sakola), NSS (Nomer Statistik Sakola) jsb. anu formatna béda-béda ti hiji wewengkon ka wewengkon séjén téh. Saméméhna aturan panyusunan kodeu pangwanoh sakola téh antara hiji provinsi jeung provinsi séjén téh bisa bararéda. Anu balukarna sok kajian nomer ganda sarta data sakola ganda anu tumuluy ngalieurkeun kana sistim buburuhan, pameunteunan sarta régistrasi séjénna. NPSN mangrupa panyederhanaan sarta panggabungan sistim sangkan unggal sakola barus miboga kodeu unik, ogé jadi pangbéda utama antara hiji sakola jeung sakola lianna di sakuliah Indonésia.

NPSN nyaéta kodeu pangwanoh anu ditangtukeun ku Pusat Data jeung Statistik Pendidikan (PDSP) disumebarkeun ka unggal sakola liwat Dinas Pendidikan Kabupatén/Kota di sakumna wewengkon di Indonésia. Pamakéan NPSN ditojokeun pikeun ngagampangkeun dina ngokolakeun data sakola.

Anu jadi dadasar dina ngamekarkeun NPSN nyaéta Permendikbud №99 taun 2013 ngeunaan “Tata Kelola Teknologi Informasi dan Komunikasi di Lingkungan Kemendikbud”, Inmen Kemdikbud №2 Taun 2011 ngeunaan "Kegiatan Pengelolaan Data Pendidikan Menteri Pendidikan Nasional”, sarta Surat Kaputusan Kabalitbang Diknas Nomer 3574/G.G4/KL/2009, tanggal 22 Oktober 2009, ngeunaan “Nomor Pokok Sekolah Nasional sebagai nomor unik satuan pendidikan”.

Format NPSN kawengku ku 8 dijit angka sacara acak.

Sistem panomeran[édit | édit sumber]

Kodeu NSPN ngagunakeun dalapan dijit, sarta lumaku pikeun sakabéh sakola di Indonésia sarta luar nagari anu afiliasi ka Indonésia. Format standar nyaéta XYYZZZZZ, dimana X nyaéta Kode Area, YY nyaéta Nomer Grup, sareng ZZZZZ mangrupikeun serial unik angka pikeun tiap sakola. Kalayan sistem ieu, total kapasitas sakola anu tiasa didaftarkeun nyaéta 9,9 juta sakola per wilayah. Kode wewengkon ditangtukeun saperti kieu:

  1. Sumatera jeung sabudeureunana : 1
  2. Jawa sareng sakurilingna: 2
  3. Kalimantan jeung sabudeureunana : 3
  4. Sulawesi jeung sabudeureunana : 4
  5. Bali, Nusa Tenggara, jeung sabudeureunana : 5
  6. Kapuloan Maluku, Papua jeung sabudeureunana : 6
  7. Luar Negeri : 9
  8. Nyadangkeun : 7 - 8

Tutumbu luar[édit | édit sumber]