Ondé

Ti Wikipédia Sunda, énsiklopédi bébas


Onde-onde
Onde-onde dengan isi kacang hijau

Ondé atawa ondé-ondé nyaéta ngaran kadaharan anu rasana amis, dijieun tina tipung ketan anu dibuleud-buleud. Di jerona dieusian ku entén atawa kacang héjo, tuluy dipuih-puih di luhureun siki wijén, nepi ka éta siki wijén téh napel minuhan bagian luarna, sanggeus kitu digoréng.[1]

Sajarah[édit | édit sumber]

Sajarahna ondé-ondé bisa disalusur di Tiongkok dina jaman dinasti Tang. Ieu kadaharan téh dijadikeun kuéh resmi daérah Changan (kiwari Xian) nu disebut ludeui (碌堆). Ieu kadaharan téh tuluy dibawa ku nu bubuara ka wewengkon Cina kidul, tuluy ngarekahan nepi ka wewengkon séjénna di Asia.

Ondé-ondé/jin deui di Cina kalér disebut matuan (麻糰), di wewengkon wétan-kalér Cina disebut ma yuan (麻圆), sarta di Hainan disebut jen dai (珍袋). Jin deui sakapeung disebut ogé zhimaqiu (芝麻球) nu hartina bola wijén dina basa Sunda.[2] Di Hong Kong, ieu kadaharan téh babari pisan kapanggihna, sabab méh sakabéh toko kuéh ngadagangkeun.

Catetan[édit | édit sumber]

  1. Ajip Rosidi, dkk., 2000, Ensiklopedi Sunda: Alam, Manusia, Budaya (termasuk Budaya Betawi dan Cirebon kaca 462. Jakarta: Pustaka Jaya.
  2. Misty, Littlewood and Mark Littlewood, 2008 Gateways to Beijing: a travel guide to Beijing ISBN 981-4222-12-7 pp 52.