Putat

Ti Wikipédia Sunda, énsiklopédi bébas
Loncat ke navigasi Loncat ke pencarian


Putat
Daun putat
Klasifikasi ilmiah
Karajaan: Plantae
(unranked): Angiospermae
(unranked): Eudikotil
(unranked): Asterids
Order: Ericales
Kulawarga: Lecythidaceae
Génus: Planchonia
Spésiés: P. valida
Ngaran binomial
Planchonia valida
(Blume) Blume[1]

Putat (Planchonia valida) nyaéta tangkal bungbuahan tina kulawarga Lecythidaceae, hirupna liar dileuweung atawa tegalan, jangkungna bisa nepikeun ka 50 méter jeung buleudan tangkalna nepikeun 200 centi méter, daunna ngemploh héjo mangsa datang usum halodo daunna marurag/ngarangrangan ciciren datang mangsa ngarangrangan kelir daun robah anu tadina héjo bagedod jadi beureum, kulit tangkalna ogé karadak jeung malelekat satuluyna marékplékan.[2]

Pedaran[édit | édit sumber]

Tangkal putat kasebut tangkal kai gedé, mangsa geus kolot ieu tangkal bisa waé nepikeun ka 50 méter jangkungna jeung buleud tangkalna nepikeun ka 200 centi méter. Mikaresep tempat anu subur jeung cukup cai, sanajan henteu saeutik ogé anu kapanggih hirup dina taneuh cadas. Ieu tangkal kembangan sapanjang taun atawa henteu usum-usuman. Ngan aya waktu anu hadé dina mangsa buahan nyaéta bulan Séptémber nepikeun ka Oktober.

Kaina kasebut awét agolongkeun kai dina kelas II-III , Kelas I-II dina palebah gampang dipigawé ngan hanjakal sakapeung melengkung di mana kurang tarapti mangsa ngagaringkeun. Dimangpaatkeun pikeun nyieun imah, parabot, kapal laut, panél, karoseri, jeung loba deui anuséjéna. Loba kapanggih hirup di daérah saperti : Malaysia, Sumatra, Kalimantan, Jawa, Sulawesi, Bali, Lombok jeung Timor.[3]

Kembangna ngarantuy, mangsana ligar benang sari mangkak kawas bulu sikat kelirna bodas tur semu beureum dibeulah jerona (deukeut kana cupat), buahna ngorana lalonyod héjo dina sarantuy aya kana genep siki, nicak mangsana geus asak kulit buah robah kelirna tadina héjo jadi semu beureum. daunna ngora atawa pucukna dimangpaatkeun pikeun lalab, bisa ogé disayur atawa dicampurkeun jeung sayuran séjéna pikeun panyeungit. Buahna ogé bisa ngubaran ararateul jeung panyakit kulit séjéna.[4][5]

Tutumbu kaluar[édit | édit sumber]

  1. Mangpaat tangkal putat
  2. Putat ngaran hiji daerah di Jakarta
  3. Carita ngeunaan tangkal putat
  4. Klasifikasi tangkal putat

Rujukan[édit | édit sumber]

  1. "Planchonia valida". The Plant List. Diakses tanggal 28 August 2013. 
  2. Priyadi, H., Takao, G., Rahmawati, I., Supriyanto, B., Nursal, W. I., Rahman, I. (2010). Five hundred plant species in Gunung Halimun Salak National Park, West Java: a checklist including Sundanese names, distribution and use. CIFOR, Bogor, Indonésia. ISBN 978-602-8693-22-6 [1]
  3. Ngeunaan tangkal putat
  4. Putat dimangpaatkeun daun jeung buahna
  5. Mangpaat daun, buah jeng tangkal putat


Nulis.jpg