Rétina

Ti Wikipédia, énsiklopédia bébas
Jump to navigation Jump to search
Nuduhkeun bagian rétina

Rétina nyaéta salah sahiji bagian tina panon nu mangrupa salapis ipis dina bagian tukang bola panon vertebrata jeung cepalophoda. Rétina mangrupa bagian panon nu ngarobah cahaya jadi sinyal saraf. [1] Rétina boga sél fotoréséptor (rods jeung cones) anu narima cahaya. Sinyal anu dihasilkeun tuluy ngalaman prosés ngaliwatan neuron rétina nu séjén. Sanggeus kitu tuluy dirobah jadi poténsial aksi dina sél ganglion rétina. Rétina lain ukur néwak cahaya, tapi miboga peran penting dina prosés persépsi visual. Dina tahap émbrio, rétina jeung saraf optik mekar salaku bagian tina kamekaran otak.

Anatomi rétina[édit | édit sumber]

Rétina manusa miboga sapuluh lapis. Undak lapisan-lapisan nu tujul kana kornéa téh ieu.[2]

  1. Rétinal pigmént épithélium (RPE)
  2. Lapisan fotoréseptor ségmén bagian jero jeung luar.(Rods/Cones)
  3. Mémbran limitans éksterna - Lapisan anu ngawatesanan bagian jero fotoréséptor tina inti sélna
  4. Lapisan luar inti sél fotoréséptor
  5. Lapisan luar pléxiformis - Dina bagian makular, nu dipikawanoh salaku "Lapisan serat Henle" (Fiber layer of Henle).
  6. Lapisan jero badan inti
  7. Lapisan jero pléxiformis
  8. Lapisan sél ganglion - Lapisan anu kawangun tina inti sél ganglion jeung mangrupa asal tina serat saraf optik.
  9. Lapisan serat saraf -ngandung akson - okson sél ganglion anu tujulna kana nérvus opticus.
  10. Membran limitans interna - tempat sél-sél Műller cicing.

Lamun hiji jalma ngalaman minus/plus, éta kalangkang <kalangkang anu ditéwak ku kornéa panon> moal jauh tina rétina. Ku kituna, kalangkang difokuskeun ku panon katempona bakal ngalangkang/teu pati jelas.[3]

Struktur fisik rétina manusa[édit | édit sumber]

Struktur rétina manusa nyaéta 72% kawas bal kalayan diaméter 22 mm. Dina bagian tengah rétina aya cakram optik anu kawentar salaku titik buta (blind spot), sabab euweuh fotoréséptor di éta bagian. Cakram optik katangén salaku aréa oval warna bodas nu ukuranana 3 mm².

Rujukan[édit | édit sumber]

  1. pedia, zaka. "Pengertian Retina dan Fungsi Retina". www.pengertianahli.com. Diakses tanggal 2017-12-17. 
  2. "USU-IR". repository.usu.ac.id. Diakses tanggal 2017-12-17. 
  3. "Fungsi Retina Mata Manusia – Kliksma.com". kliksma.com (dalam id-ID). Diakses tanggal 2017-12-17.