Situ Cileunca
Situ Cileunca nyaéta salah sahiji tempat pelesiran nu aya di Desa Wanasari Kecamatan Pangalengan Bandung wangunna mah waduk.[1] Situ téh hartina "danau" lamun dina Basa Indonesia mah, legana situ téh kana 1.400 ha.[2] Situ Cileunca téh caina ti walungan Palayangan, tempat nu sok dipaké arung jeram.[3] Kondisi alamna éndah jeung hawana tiis lantaran dikurulingan ku gunung.[4] Harga tiket asupna Rp.3000 dipaké pikeun mayar kabersihan biasana.[5]
Sajarah
[édit | édit sumber]
Numutkeun sajarah, Situ Cileunca mangrupa tempat pribadi urang Walanda nu ngaranna Kuhlan.[6] Manéhna mukim di Pangalengan.[7] Situ Cileunca diwangun kurang leuwih salila 7 taun ti 1919 nepika 1926 ku cara ngabendung walungan Cileunca, tuluy ngabentuk hiji situ nu ayeuna ngaranna Dam Pulo.[6]
Aya kaunikan nalika ngawangunna, ieu situ diwangun lain maké pacul tapi ku halu nu dipingpin ku dua jalma pinter nyaéta Juragan Arya jeung Mahesti.[7] Nalika jaman kolinial Walanda, sok dipaké pikeun sumber listrik di Kota Bandung.[7] Salian ti éta, aliran caina digunakeun pikeun cadangan cai beresih keur warga sabudeureunnana, harita kapasitasna nyaéta 9,89 juta M3.[7]
Fasilitas
[édit | édit sumber]Aya sababaraha fasilitas nu aya di Situ Cileunca, nyaéta :
- Camping Ground
Salian ti Ranca Upas nu kempingna di tengah leuweung, Situ Cileunca ogé bisa jadi tempat alternatif pikeun nu sok resep kemping.[8] Nu ngabedakeunna, ari di Situ Cileunca mah kempingna di sisi situ.[8]
2. Rafting
Salian ti sok dipaké pikeun Pembangkit Listrik Tenaga Air (PLTA), Situ Cileunca sok dipaké pikeun tempat rafting.[8] Rafting Pangalengan Walungan Palayangan mangrupa kegiatan wisata nu paling populer di Wisata Alam Situ Cileunca Pangalengan.[9] Rafting kaasup kana kagiatan olahraga cai nu bisa nguji kana adrenalin.[9] Biayana kurang leuwih Rp. 185.000-/urang.[9] Harga geus kaasup biaya parahu, P3K, Transportasi lokal, konsumsi, jeung pemandu. Sacara umum dina hij parahu dieusian ku 6 urang, kaasup jeung instruktur.[9]
3. Parahu
Di Situ Cileunca bisa ogé nyewa parahu, biasana parahu sok ngurilingan situ.[8] Hargana biasana Rp. 75.000/parahu.[10] Kapasitasna bisa nepika 10 urang unggal kapalna.[10]
4. Kebon Stroberi jeung Arbei
Lamun urang hayang ka Kebon Stroberi jeung Arbei kudu nyebrang maké parahu.[8] Tarifna biasana Rp.5000/jalma.[8]
Jembatan Cinta
[édit | édit sumber]Situ Cileunca misahkeun dua desa nyaéta Desa Wanasari jeung Desa Pulosari.[11] Biasana warga mun hayang meuntas kudu mapay sisi situ pikeun ka desa nu sején.[11] Lantaran ngarasa jauh, warga tuluy boga inisiatif nyieun jembatan nu ngaliwatan Situ Cileunca.[11] Jembatan dijieun tina beton sarta di cet warna beureum.[11] Biasana lamun soré sok aya rumaja nu asalna ti Desa Wanasari jeung Pulosari ngarumpul di dinya.[11] Ieu Jembatan tuluy katelah ku ngaran Jembatan Cinta.[11]
Rujukan
[édit | édit sumber]- ↑ "Lokasi dan Harga Tiket Masuk Situ Cileunca Pangalengan, Danau Cantik Yang Tenang dengan Warna Air Biru - Daka Tour". Daka Tour (Dina basa Inggris Amerika). 2017-09-28. Diaksés tanggal 2017-11-23.
- ↑ "Situ Cileunca: Taman Wisata Indah dengan Tarif Murah". www.gravity-adventure.com. Diaksés tanggal 2017-11-23.
- ↑ "Pangalengan Situ Cileunca". www.king-adventure.com (Dina basa Inggris Amerika). Diaksés tanggal 2017-11-23. Archived 2017-11-21 di Wayback Machine
- ↑ "Wisata Situ Cileunca Pangalengan Bandung - Informasi Tempat Wisata Terbaru". wisatasenibudaya.com (Dina basa Inggris Amerika). Diaksés tanggal 2017-11-23. Archived 2017-12-02 di Wayback Machine
- ↑ "Harga Tiket Masuk Danau Situ Cileunca". Outbound Bandung Cileunca Adventure (Dina basa Inggris Amerika). Diaksés tanggal 2017-11-23. Archived 2017-11-12 di Wayback Machine
- 1 2 "Situ Cileunca-Dinas Pariwisata dan Kebudayaan Provinsi Jawa Barat". www.disparbud.jabarprov.go.id. Diaksés tanggal 2018-02-03. Archived 2020-10-20 di Wayback Machine
- 1 2 3 4 "Situ Cileunca, Wisata Alam yang Romantis dan Menenangkan - Tempat.co.id". Tempat.co.id (Dina basa Indonesia). Diaksés tanggal 2018-02-03.[tumbu nonaktif]
- 1 2 3 4 5 6 "Situ Cileunca Pangalengan -Eksotisme Wisata Situ Bandung". Tempat Wisata di Bandung (Dina basa Indonesia). 2015-06-20. Diaksés tanggal 2018-02-04.[tumbu nonaktif]
- 1 2 3 4 "Profile Wisata Situ Cileunca Pangalengan Bandung". InfoPromoDiskon.com. Diaksés tanggal 2018-02-04.
- 1 2 "Situ Cileunca, Danau Indah di Pangalengan Bandung - Lihat.co.id". Lihat.co.id (Dina basa Inggris Amerika). 2016-10-03. Diaksés tanggal 2018-02-04. Archived 2017-11-15 di Wayback Machine
- 1 2 3 4 5 6 "Jembatan Cinta di Situ Cileunca Pangalengan, Kabupaten Bandung". Rasendriya Bercerita. Diaksés tanggal 2018-02-04. Archived 2018-02-18 di Wayback Machine