Soba
Soba (蕎麦 atau そば?) nyaéta salah sahiji jinis emih Jepang anu dijieuna tina tipung buckwheat (gandum buk).[1] Dina bahasa Jepang, tuwuhan sereal buckwheat anu sok disebut soba.[1] Salain ti éta, istilah soba osok dihartikeun emih endog nu asalna ti Tiongkok anu dipasak jadi yakisoba atawa ramén.[1] soba miboga kandungan tipung soba (buckwheat) 30%.[1]
Rupa-rupa soba
[édit | édit sumber]- Soba seger :Setelahanggeus dibeulahan, soba dipurulakn tipung sangkan teu rapet tuluy di asupkeun kana kantong plastik.[2]
- Soba garing :Soba seger anu geus digaringkeun, di jual dina kantong plastik.[2]
- Soba rebus :Soba anu kri di tinyuh, sasét jeung saos, daun bawang,biasana aya tempura atawa aburage.[2]
- Soba instan : Soba digaringkeun kalayan udara panas atawa digoréng, saencan didahar kari ditinyuh ku cai panas.[2]
- Soba beku :Soba seger anu dibekukeun tuluy dijual pikeun kadaharan beku di pasar swalayan.[2]
Cara Nyieun Soba
[édit | édit sumber]Emih soba tradisional Jepang ilaharna ngan dijieun tina bahan dasar tipung gandum, tipung tarigu jeung cai.[3] Pikeun hasilna alus campuran tipung gandum jeung tipung tarigu alusna 4:1, kalayan ukuran caina 38-40 persén.[3] Bahan dasar: 400gr tipung gandum (soba-ko), 100gr tipung tarigu (komugi-ko), 1 cup cai, saséndok entéh tipung tarigu pikeun murulukan.[3] Cara nyieuna : Campurkeun tipung kana baskom anu gedé, galokeun ku leungeun nepi ka rata.[3] Tambahkeun 1 cup cai.[3] Sanggeus galo, bentuk gulung-gulung adonan jadi sagedé bola.[3] Terus kocékeun adonan kalayan gaya muter, tina bagian luar bola.[3] Gaya ngocékeunna anu sok disebut Kikuneri.[3] Nalika adonan bola ges padet, tendeun dina wadah saperti papan anu geus diwuran tipung. Bentuk adonan jadi silinder.[3] Sanggeus rata, balikeun adonan tuluy saperti nu tadi deui nepi ka bentuk adonan nabentuk kotak kalayan kandelna sarua saperti kertas karton.[3] Beulah adonan jadi dua, tuluy awurkeun tipung kana potongan nu tadi kalayan rata.[3] Tilep masing-masing potongan tilu kali, nepika jadi dalapan lapisan.[3] Potong adonan ku péso anu seukeut.[3] Kulub unggal 100gr emih kana saliter cai.Alusna mah emih diasupkeun sangeus caina ngagolak.[3] Kulub emih salila 45 detik nepi ka samenit.[3]