Sri Jayabupati
Sri Jayabupati téh raja Sunda anu nyieun prasasti Cibadak. Dina éta prasasti disebutkeun ngaran katut gelarna kalawan lengkep: Sri Jayabupati Jayamanahén Wisnumurti Samarawijaya Sakalabhuwanamandaléswaranindita Haro Gowardana Wikramotunggadéwa. Najan ngaranna sarupa jeung gelar raja Jawa, écés dina éta prasasti disebutkeun yén anjeunna 'Prahajyan Sunda'. Numutkeun salah sahiji naskah Wangsakerta, Sri Jayabupati ngawasa Sunda ti taun 1030 nepi ka 1042, cocog jeung titimangsa dina prasasti Cibadak (12 Parocaang poé Hariang-Kaliwon-Radité, bulan Kartika, 952 Saka, kira-kira meneran 28 Oktober 1030).
Babandingan jeung naskah
[édit | édit sumber]Mun dilelebah jeung runtuyan raja-raja Sunda nu disebutkeun dina naskah Carita Parahiyangan, nu kira-kira samangsa téh nyaéta anu disebut Prebu Ditiya Maharaja anu ngawasa salila tujuh taun. Ieu teu akur jeung pamanggih Saléh Danasasmita nu nyangka Sri Jayabupati sarua jeung Darmasiksa.
Sumber rujukan
[édit | édit sumber]- Aca (1968). Carita Parahiyangan: naskah titilar karuhun urang Sunda abad ka-16 Maséhi. Yayasan Kabudayaan Nusalarang, Bandung.
- Saléh Danasasmita (2003). Nyukcruk sajarah Pakuan Pajajaran jeung Prabu Siliwangi. Kiblat Buku Utama, Bandung.
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |
 |
Artikel ini teu mibanda kategori. Pék bantuan Wikipedia pikeun nambahan kategori. Tag ieu dipasangkeun dina April 2017. |