Tétén Masduki
Tétén Masduki nyaéta salah sahiji aktivis anti korupsi Indonesia (gumelar di Limbangan Garut, 6 Méi 1963; umur 61 taun).[1][2] Sanggeus tamat ti SLTA, manéhna nuluykeun ka Jurusan Ilmu Kimia dan Matematika IKIP Bandung.[2] Minangka mahasiswa, manéhna loba ngayakeun sawala ngeunaan pamikiran filsafat sosial.[2] Lulus ti IKIP, manéhna digawé minangka guru di SMKK Tangerang (1986-1990).[2] Kungsi milu kursus salila 3 bulan di Tunisia taun 1990.[1] Mimiti gawé di LSM dina Institute of Human Rights Information and Studies (INSAN), salah sahiji organisasi ngeunaan informasi jeung studi Hak Asasi Manusia.[1]
Taun 1990 Tétén eureun jadi guru tur ancrub sagemblengna di LSM.[2] Tuluy ngagabung jeung Yayasan Lembaga Bantuan Hukum (YLBH) di Jakarta minangka Pupuhu Divisi Perburuhan.[2] Sanggeus 9 taun di Divisi Perburuhan, manéhna tuluy jadi Koordinator Badan Pekerja di Indonesian Corruption Watch nu dijieun ku YLPBI.[2] Ngaran Tétén kasohor nalika ngabongkar kasus suap Mayjén Andi M.Ghalib minangka Jaksa Agung nalika pamaréntahan B.J Habibie.[2]
Karir
[édit | édit sumber]- Staf panalungtik di Institut Studi dan Informasi Hak Asasi Manusia (1978-1989).[3]
- Kepala Litbang Serikat Buruh Merdeka Setiakawan (1989).[3]
- Kepala Divisi Perburuhan Yayasan Lembaga Bantuan Hukum Indonesia (1990-2000).[3]
- Koordinator Forum Solidaritas Buruh (1992-1993).[3]
- Koordinator Konsorsium Pembaruan Hukum Perburuhan (1996-1998).[3]
- Pupuhu Badan Pekerja, Indonesia Corruption Watch (1998-2008).[3]
- Anggota Ombudsman Nasional (2000-ayeuna).[3]
- Sekretaris Jenderal Transparency International chapter Indonesia (2009-ayeuna).[3]
Penghargaan
[édit | édit sumber]- Suardi Tasrif Award 1999, jasana ngungkab kasus suap Jaksa Agung Andi M. Ghalib.
- Magsaysay Award 29 Agustus 2005.[4]
Referensi
[édit | édit sumber]- ↑ a b c Profil Teten Masduki (id) (Diakses tanggal 10 Nopember 2011)
- ↑ a b c d e f g h Tim Redaksi.2000.Ensiklopedi Sunda Alam, Manusia dan Budaya.Jakarta:Pustaka Jaya dan Yayasan Kebudayaan Rancage
- ↑ a b c d e f g h Teten Masduki (id) (Diakses tanggal 10 Nopember 2011)
- ↑ Tokoh Indonesia Archived 2015-05-18 di Wayback Machine di sungsi kaping 14 April 2015
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |