Taman Alam Lumbini
Taman Alam Lubini nyaéta salah sahiji tempat wisata rohani, anu aya di Indonésia, nyaéta di Sumatra Utara. Taman Alam Lubini, nyaéta tempat wisata anu wangunna Pagoda, kaéndahanana dilengkepan ku tiisna hawa Tanah Karo. Ti saprak dibuka dina tau 2010 Taman Alam Lubini, kiwari jadi déstinasi wisata Brastagi anu kakoncara.[1] Pagoda anu aya di Taman Alam Lubini mangrupa Pagoda warna emas agréng jeung méwah, sarta jadi pagoda anu pangjangkungna di Indonésia, kalayan geus kacatet di Museum Rekor Muri Indonésia. Dina jero Pagoda bagian tengah, aya opat rupang Buddha ukuran sedeng kalayan nyanghareup ka opat juru rohangan, anu tengah-tengahna dijadikeun tempat ibadah pikeun anu daratang ka dinya. Di Taman Alam Lubini, aya aturan pikeun tamu, nyaéta teu meunang motrét ngagunakeun HP jeung teu meunang barangdahar di jero Pagodana. Taman Alam Lubini nyimpen kurang leuwih 2.958 rupang Buddha, 30 rupang Arahat jeung 108 relik suci sarta gegedéna dicokot langsung ti Myanmar, kaasup pucak Pagonana , anu jangkungna 46, 8 meter dina luhureun stupa.[2] Legana Taman Alam Lubini téh kira-kira tilu héktar, kalayan disuguhan ku rupa-rupa kaéndahan alam jeung ornamén-ornamén Buddha, sarta nu matak leuwih ngirutna aya réplika pagoda anu ceplés jeung pagoda anu di Myanmar sarta jadi répliika ka dua panggedéna sa-Asia Tenggara.[3]
Pantangan
[édit | édit sumber]Taman Alam Lubini, mémang lain sagawayah tempat peleseiran, tapi mangrupa tempat wisata rohani, ku kituna teu héran saupama aya sababaraha pantangan anu kudu diperhatikeun ku para tatamu anu daratang, pantangan éta nyaéta di antarana;
- Teu meunang motrét ngagunakeun HP
- Teu meunang maké sendal atawa sapatu
- Teu meunang mawa kadaharan jeung inuman
- Wajib ngagunakeun pakéan anu sopan jeung rapih
- Teu meunang haliwu, sarta wajib ngajaga katartiban
- Wajib ngajaga kabersihan di sabudeureu Taman Alam Lubini[3]
Lokasi
[édit | édit sumber]Pikeun nepi ka Taman Alam Lubini, bisa ditempuh dina waktu kurang leuwih dua jam ti kota Médan. Pernahna Taman Lubini téh di Désa Tongkoh, Kacamatan Dolan Rakyat, Kabupatén Karo, Sumatra Kalér. Jam oprasioanalna ti jam salapan isuk-isuk nepi ka jam genep burit. Husus dina poé Saptu jeung Minggu, atawa poé libur séjénna dimimitian buka ti jam sapuluh isuk-isuk nepi ka jam dalapan peuting. Saupama digunakeun pikeun acara ibadah, ieu tempat bakal tutup leuwih gancang, kira-kira jam satengah genep burit.[3] Saupama hayang meunang hasil dokuméntasi anu alus, disarankeun datang isuk-isuk kira-kira jam 07.00 sabab langit keur meumeujeuhna biru sarta panon poé keur alus warnana meujeuhna moncorong.[4]
Sejarah Réplika Pagoda Shwedagon
[édit | édit sumber]Réplika Pagoda Shwedagon téh diwangun kira-kira taun 2007, sarta bisa diréngsékeun dina taun 2010. Peresmianna dihadiran ku 1.250 anggota Sangha anu ngawengku tina 100 urang Bhiksu ti Indonésia jeung 650 anggota anu asalna ti Burma Myanmar sarta 40 anggota dating langsung ti Thailand, malah aya ogé anu datang ti nagara séjén, kurang-leuwih aya 20 urang, sarta kacatet dina sajarah yén nalika peresmianna meunang rekor muri katégori Panja Bakti alias pemberkahan panglobana, anu didatangan ku rébuan anggota Sangha. sedengkeun sajarah ngaran Taman Alam Lubini dicokot tina hiji ngaran tempat, anu mana ngaran tempat kasebut ngaranna Lubini, pernahna aya dina suku gunung Himalaya, Nepal. Lubini mangrupa tempat SIddharta Gautama dilahirkeun sarta satuluyna Siddharta Gautama bakal jadi Buddha.[5]
Rujukan
[édit | édit sumber]- ↑ "Taman Alam Lumbini Hadirkan Pagoda Megah di Sumatera Utara - Sumatera Utara". ksmtour.com (dalam Indonesian). Diakses tanggal 2019-12-25.
- ↑ Wisata, Asia. "Taman Alam Lumbini". ASIAWISATA.COM (dalam id-ID). Diakses tanggal 2019-12-20.
- ↑ a b c Rudi. "Taman Alam Lumbini, Perpaduan Wisata Alam Dan Religi". NativeIndonesia.com (dalam en-US). Diakses tanggal 2019-12-21.
- ↑ "Melihat Lebih Dekat Keindahan Pagoda Tertinggi se-Indonesia di Taman Alam Lumbini". Melihat Lebih Dekat Keindahan Pagoda Tertinggi se-Indonesia di Taman Alam Lumbini. Diakses tanggal 2019-12-31.
- ↑ "10 Foto Taman Alam Lumbini Berastagi Kabupaten Karo Sumatera Utara, Lokasi Alamat + Jam Buka | JejakPiknik.com" (dalam id-ID). Diakses tanggal 2019-12-25. Archived 2020-09-27 di Wayback Machine