Taman Wisata Mekarsari
Taman wisata mekarsari nyaéta salah sahiji taman nu di jerona aya rupa-rupa bungbuahan nu aya di Indonesia.[1] Perenahna aya di Jl. Raya Cileungsi-Jonggol Kabupaten Bogor.[1] Diwangun di aréal urut kebon karét di daérah Kecamatan Cileungsi kalawan prakarsa ti Alm. Ibu Tien Soeharto nu hayang ngaronjatkeun harkat jeung martabat kaum tani ngaliwatan pangwangunan industri nu dideudeul ku séktor tani nu kuat nepi ka bisa kasohor ka sakuliah dunya.[2] Legana kurang leuwih 264Ha diurus ku PT. Mekar Unggul Sari.[2] Diwangun dina pola daun lamtorogung nu mangrupa simbol pepelakan multiguna minangka puseur plasma nutfah holtikultura bungbuahan Indonésia (tropis) nu dimangpaatkeun pikeun panalungtikan, atikan, budidaya, jeung wisata.[2]
Wisatawan nu ngayakeun kunjungan wisata ngamimitian kunjunganana ku ngurilingan ieu taman ngagunakeun kareta wisata pikeun ningali koléksi pepelakan.[1] Nalika ngurilingan ieu taman, para wisatawan bisa ningali wahana outbond, pepelakan buah dina pot, aréa imah plastik, balong, kebon wisata mélon, kebon salak, kebon rambutan, kebon jeruk, jeung réa-réa deui.[1] Sanggeus ngurilingan taman, wisatawan bisa ngaso di wangunan curug.[1] Ieu wangunan cukup ahéng nalika ditingali ti luar, alatan aya cai nu ngalir ti luhureun gedong nu sarimbag jeung curug.[1]
Di taman wisata mekarsari aya sawatara bungbuahan nu dijadikeun komoditas unggulan di antarana waé ganas arnis, barbados cherry, jambu aér irung petruk, jambu aér toon klow, jambu aér cengkéh, nangkadak, cempeka jeung pedakka.[1]
Referensi
[édit | édit sumber]
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |