Téspong

Ti Wikipédia Sunda, énsiklopédi bébas
(dialihkeun ti Tespong)


Téspong
Klasifikasi ilmiah
Karajaan:
(unranked):
(unranked):
(unranked):
Ordo:
Kulawarga:
Génus:
Spésiés:
O. javanica
Ngaran binomial
Oenanthe javanica

Téspong atawa dina basa latinna Oenanthe javanica nyaéta ngaran tuwuhan anu daunna kawas salédri[1][2]. Téspong loba tumuwuh di dataran luhur nepi ka daratan handap, asal taneuhna gembur, baseuh jeung miboga drainase anu hadé[3]. Lamun ditingali saliwat, téspong anu jangkungna 50cm téh ampir sarua jeung salédri[3]. Kaambeuna seungit jeung daunna rérégéan tapi karasa leuwih "kaku" jeung leuwih kandel lamun dibandingkeun jeung salédri mah [2][3]. Daun téspong anu ngorana ngeunah lamun diasakan jadi tumis atawa dilalab atah ngalengkepan beuleum lauk, hayam goréng jeung sambel[3].Dina téspong aya aroma spesifik anu karasana sumiriwing[2], komo lamun dicoélkeun kana sambel tarasi anu aya di restoran Sunda. Dina téspong aya minyak atsiri anu kaluar tina daunna nu matak ngabalukarkeun téspong miboga antioksidan anu kuat[3]. Ku sabab kitu urang Sunda utamana wanojana miboga kulit anu "mulus" jeung bérésih anu nambahan kageulisanana lantaran loba ngadahar lalab-lalaban anu salah sahijina téspong[2]. Téspong mangha bihari osok mindeng kapanggih di tempat ondangan jeung osok aya di rumah makan Sunda salaku lalab anu loba dipikaresep[4].Téspong boga mangpaat pikeun nahan lapar[5].

Rujukan[édit | édit sumber]

  1. [Danadibrata,R.A.2006.Kamus Basa Sunda.Bandung:Kiblat Kaca 690]
  2. a b c d Lalapan Nikmat Sehat, Daun TESPONG Archived 2011-07-02 di Wayback Machine(diakses 15 oktober 2011)
  3. a b c d e Mengenal Daun Tespong(diakses 15 Oktober 2011)
  4. LALAB DALAM KEHIDUPAN MASYARAKAT SUNDA(15 oktober 2011)
  5. Makan Daun Archived 2010-03-01 di Wayback Machine(diakses 15 Oktober 2011)