Tiamin

Ti Wikipédia Sunda, énsiklopédi bébas
Tiamin mononitrat

Tiamin atawa nu katelah ogé vitamin B1, mangrupa sanyawa teu warnaan kalawan rumus kimia C12H17N4OS. Tiamin leyur dina cai, teu leyur dina alkohol, sarta bakal ruksak mun dipanaskeun. Tiamin munggaran kapanggih ku Umetaro Suzuki di Jepang nalika nalungtik kumaha béas bisa ngubaran pasén Béribéri. Sanyawa ieu ku anjeunna dingaranan asam aberat.

Pancén biologis[édit | édit sumber]

Tiamin piropospat (TPP)

Tiamin piropospat (TPP) téh koénzim pikeun piruvat dehidrogénase, α-ketoglutarat dehidrogénase, jeung transketolase. Énzim nu dua ti payun boga pancén dina métabolisme karbohidrat, sedengkeun transketolase mah dina jalur pentosa pospat pikeun nyintésis NADPH jeung gula pentosa deoksiribosa jeung ribosa. TPP disintésis ku énzim tiamin piropospokinase, nu merlukeun tiamin bébas, magnésium, jeung adénosin tripospat.

Dina kasakit[édit | édit sumber]

Defisiénsi[édit | édit sumber]

Kakurangan tiamin sistemik bisa ngabalukarkeun loba pisan masalah, kayaning neurodegenerasi, begung, dugi ka maotna. Kakurangan ieu bisa alatan kurang gizi, nuang katuangan nu euyeub ku tiaminase (lauk darat jeung kerang atah, papakuan) jeung/atawa katuangan nu euyeub ku faktor anti-tiamin (entéh, kopi)[1] Archived 2012-12-12 di Wayback Machine.

Gejala nu paling dipikawanoh alatan kakurangan tiamin, di antarana sindrom Wernicke-Korsakoff jeung béribéri, kasakit nu ogé ilahar narajang nu kacanduan alkohol.

Overdosis[édit | édit sumber]

Nepi ka kiwari, kajadian overdosis tiamin téh alatan injéksi tiamin, nu ngabalukarkeun réaksi anapilaktik.

Kasakit genetik[édit | édit sumber]

Kasakit genetik transpor tiamin mah jarang, tapi parna balukarna. Thiamine Responsive Megaloblastic Anemia with diabetes mellitus and sensorineural deafness (TRMA) téh kalainan autosomal resésif alatan mutasi dina gén SLC19A2, transporter tiamin nu afinitasna luhur. Pasén TRMA teu némbongkeun tanda kakurangan tiamin sistemik, nu nunjukkeun kaleuwihan sistim transpor tiamin. Papanggihan ieu ngagiring kana kapanggihna transporter tiamin nu afinitasna luhur anu kadua, SLC19A3.

Rujukan[édit | édit sumber]