Trie Utami
Trie Utami Sari (gumelar di Bandung, 8 Januari 1968; umur 56 taun nyaéta saurang panyanyi sarta panyipta lagu asal Indonésia.[1].Trie Utami nyaéta bungsu ti tilu sadudulur, bapana Soedjono Atmotenojo jeung Soerjani Oesoep, nénéh nyaéta Iie[1]. Lanceukna nyaéta Purwa Tjaraka jeung Thea Ika Ratna[1]. Sanajan ti orok kénéh geus wanoh jeung musik, Iie bener-bener wanoh kana musik nalika SD[1].Bareng jeung lanceukna, ti mimiti taun 1972 - 1986,manéhna ngiluan lés Piano[1]. Saméméh dipikawanoh ku masarakat Trie Utamisering ngiluan rupa-rupa féstival lagu jeung sering tampil di TVRI[2]. Lian ti diajar piano ku Alfons Becalel,lalaki anu asalna ti Hongaria, Iie ogé diajar piano ka Rhinno jeung Linda ti YPPM (Yayasan Pusat Pendidikan Musik) Bandung[1]. Taun 1978, Iie ngiluan atikan musik di Bina Musika Bandung[1]. Sanajan teu diajar vokal sacara husus, tapi Iieu pinter nyanyi[1]. ku lantaran kamampuhna nyanyi jeung maén piano, pihak sakolana mercayakeun Iie pikeun mingpin Drum Band Sakolana minangka mayorét[1]. Nalika taun 1977, munggaran Iie tampil di TVRI bareng jeung Bu Mul dina acara 'Ayo Menyanyi meunangkeun juara kadua[1].Nalika SMA manéhna mekarkeun kamampuh musikna ku diajar keyboard, saksofon, jeung diajar ngaaransemen lagu di kelompok drum band GWDC (Genta Winaya Drum Corps) Bandung[1].
Sabada lulus SMA jeung teu bisa neruskeun sakola ka Amerika,Iie milih pikeun nuluykeun kagiatanana anu geus dimimitian ti mangsa SMA nyaéta jadi penyiar di Radio OZ 103 FM di Bandung, jadi léad vocal band Kahitna, jeung terus-terusan latihan musik[1].
Taun 1986, bareng jeung band Krakatau, Iie nyieun rékaman munggaranana[1].Tapi ngaranna mimiti dipikawanoh ku masarakat sabada suksés nyanyikeun lagu Keraguan karangan Edwin Saladin jeung Adelansyah, minangka jawara Lomba Cipta Lagu Remaja Prambors 1987[1]. Malah, éta album suksés meunangkeun BSAF Award minangka album terlaris 1987[1].
Ngaran Iie,bener-bener leuwih dipikawanoh nalika manéhna meunangkeun féstival Penyanyi Lagu Populer Indonésia, taun 1989 jeung jadi juara dua dina ABU (Asia Pasific Broadcasting Union) Golden Kite World Song féstival di Kuala Lumpur, minangka Best Performer on TV, jeung BASF Award Winner[1]. Taun 1991, Iie meunangkeun Grand Prix Winner dina acara The Golden Stag International Singing Contest di Brasov, Rumania[1]. manéhna ogé jadi jawara dina ABU International Anthem di Bangkok 2000, sarta kapilih jadi Penyanyi Jazz Wanita Terbaik versi News Music[1]. Dina taun 2004, minangka pangarang lagu, manéhna kapilih jadi komposer terbaik jang lagu barudak versi AMI (Anugerah Musik Indonésia)[1].
Referensi[édit | édit sumber]
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |