Universitas Nasional Pasim

Universitas Nasional PASIM
(UNAS PASIM)
175px]]

Ngadeg	25 September 2006
Jinis	Paguron luhur swasta
Réktor	Eko Travada Suprapto Putro, ST, MT
Perenah	Bandung, Jawa Kulon
Loka	http://www.pasim.ac.id/

Universitas Nasional Pasim atawa nu dipiwanoh UNAS PASIM nyaéta salah sahiji paguron swasta nu aya di Bandung, Jawa Kulon, Indonésia. Alamatna di Jalan Dakota No.8A, Sukaraja, Cicendo, Kota Bandung, Jawa Kulon 40175.

Sajarah

YAPASIM diadegkeun tanggal 11 Juni 1996 disahkeun ku akta notaris No 41 ku notaris Dr Wiratni Ahmadi SH. Ngadegkeun YAPASIM ieu miboga tujuan pikeun jadi lembaga nu ngongkolakeun paguron luhur. ku sabab éta, sanggeus YAPASIM diadegkeun, ngajukeun ijin ka Direktur Jenderal Pendidikan Tinggi Departemen Pendidikan jeung Kabudayaan pikeun ngadegkeun Sekolah Tinggi Ilmu Ekonomi atawa STIE PASIM.

Dina tanggal 4 Desember 1996 akhirna disatujuan ku Menteri Pendidikan djeung Kabudayaan ku cara dikaluarkeunna SK Menteri Pendidikan jeung Kabudayaan RI No.80/D/0/1996 ngeunaan izin STIE PASIM nu miboga dua jurusan nyaéta jurusan manajemen jeung jurusan akuntansi.

Bareng ku lajuna mangsa jeung mekarna téhnologi informasi di Indonésia hususna loba ngadegna paguron luhur dina widang informatika jeung komputer. Pikeun ngaréspon mekarna tehnologi informasi sarta nyumponan pangabutuh masarakat, YAPASIM ngajukeun ijin ka Menteri pendidikan Nasional pikeun ngadegkeun Sekolah Tinggi Manajemen Informatika dan Komputer nu diaranan STMIK PASIM. Numutkeun ka SK Menteri Pendidikan Nasional RI No 164/D/0/2000 tanggal 23 Agustus 2000 sacara resmi ngadeg STMIK PASIM, ku kituna YAPASIM ngurus dua paguron luhur nyaéta STIE PASIM jeung STMIK PASIM.

Teu ngan ukur nepi ka dinya waé, sanggeus sababaraha taun nu ngadegkeun YAPASIM, nyorong pangadeg pikeun ngadegkeun Universitas, nanging dina waktu éta ijin pikeun ngadegkeun Universitas anyar henteu deui dikaluarkeun ku Departemen Pendidikan Nasional. Dina tanggal 25 September 2006 pangurus Yayasan Pendidikan Kader Keuangan dan Perbankan nu ngurus Universitas Nasional Bandung masrahkeun kapangurusan Universitas Nasional Bandung ka YAPASIM. Pamasrahan éta aya dina akta notaris No 25 tanggal 25 September 2006 ku Notaris R. Sabar Partakoesoema, SH.MH.

Sanggeus kapangurusanna ku YAPASIM, Universitas Nasional Bandung diajukeun pikeun dirobah ngaranna ka Menteri Pendidikan Nasional RI jadi Universitas Nasional Pasim (Pengembangan Sistem Informasi Manajemen). Pangajuan parobahan ngaran disatujuan ku Menteri Pendidikan Nasional RI ku dikaluarkeunna SK Menteri Pendidikan Nasional RI No 172/D/0/2007 tanggal 6 September 2007 dina naungan Yayasan Pendidikan Kader Keuangan Perbankan.

Universitas Nasional Bandung

Merger dilakukeun ku sabab UNB (YPKKP) kakurangan mahasiswa, sakabéh jumlah mahasiswa nu kabagi di 5 fakultas kurang ti 150 urang. ku sabab kitu, nu boga yayasan (YPKKP) ngajual salah sahiji gedung UNB ka Infomedia, kaayaan éta nyababkeun beuki kurangna mahasiswa UNB . Nu akhirna UNB (YPKP) dijual ka YAPASIM, sakabéh mahasiswa UNB dibéré pilihan pikeun ngilu ka manajemen nu anyar atawa kaluar ti UNB.

Hal ieu nguntungkeun pikeun YAPASIM ku sabab miboga hak pikeun maké ngaran Universitas Nasional YPKP, ngaganti ngaran STIE jeung STMIK jadi Universitas Nasional Pasim (UNAS PASIM). STIE PASIM jeung STMIK PASIM dipindahkeun ka Kota Sukabumi, ku sabab tempatna kiwiari jadi Universitas Nasional Pasim.

Sajarah singkat Universitas Nasional Bandung

Tahun 1992, surat keputusan Menteri pendidikan dan kebudayaan Republik Indonesia nomor 307/DIKTI/KEP/1992 STIE Nasional miboga jurusan akuntansi jeung ilmu ekonomi.
Tahun 1999, STBA nasional ngadeg kalayan miboga 2 jurusan: basa inggris jeung basa jepang.
Tahun 2001, Yayasan pendidikan kader keuangan dan perbankan (YPKKP) nu naungan dua lembaga pangatikan éta ngalakukeun merger jadi Universitas Nasional Bandung (ngaran nu dipasarkeun— di brosur, billboard, jsb) atawa Universitas Nasional YPKKP (nu kadaftar di Kopertis)

Daftar Fakultas

Universitas Nasional Pasim miboga opat Fakultas nyaéta :

Fakultas Ekonomi

Fakultas ékonomi ngawengku sababaraha jurusan, di antarana:

Program studi Strata 1 Manajemen
Strata 1 Akuntansi
Diploma 3 Manajemen Perpajakan.

Fakultas Ilmu Komputer

Fakultas ilmu komputer ngawengku dua jurusan, nyaéta:

Program studi Strata 1 Teknik informatika
Diploma 3 téhnik informatika
Diploma 3 Manajemen informatika.

Fakultas Psikologi

Fakultas Psikologi ngawengkku hiji jurusan nyaéta Program studi Strata 1 Psikologi.

Fakultas Sastra

Fakultas sastra ngawengku dua jurusan, nyaéta:

Program studi Strata 1 Sastra Jepang
Diploma 3 Sastra Inggris

Rujukan

(id). Situs resmi UNAS PASIM