Vidi Aldiano
Vidi Aldiano (ngaran lahir: Oxavia Aldiano; gumelar di Jakarta, 29 Maret 1990; umur 34 taun) nyaéta saurang panyanyi Indonésia.[1] Vidi geus ngaluarkeun album anu dijudulan Pelangi di Malam Hari, Lelaki Pilihan sarta Yang Kedua.[1] Vidi ogé kungsi ngiluan féstival Java Jazz 2005.[1] Vidi ogé nembangkeun sawatara lagu daur ulang dijudulan Cinta Jangan Kau Pergi anu kungsi dipopulerkeun ku Sheila Madjid sarta Nuansa Beuning anu dipopulerkeun ku Keenan Nasution.[1] Vidi Aldiano dipercaya ku Susilo Bambang Yudhoyono pikeun mawakeun lagu ciptaanna anu dijudulan Jiwaku Terang Di Malam Itu.[1] Vidi Aldiano ngabogaan fans club ngaranna VIDIES.[1] fans club ieu ngabogaan anggota leuwih ti 1000 jelema ti sakumna Indonésia, Malaysia, Singapora, Brunei sarta sawatara urang Indonésia anu sumebar di nagara-nagara séjén kawas Australia, Arab Saudi, dll. Vidi Aldiano pohara ngaaprésiasikeun kabéh anu dilakukeun VIDIES pikeun manéhna.[2]
Kasang tukang
[édit | édit sumber]Mahér maénkeun piano Saprak Umur 3 taun, lalaki anu miboga jangkung jeung beurat 178 cm / 65 kg ieu, digedékeun dina kulawarga anu miboga aprésiasi luhur ngeunaan musik.[2] Ngaliwatan bimbingan indungna anu mangrupa guru piano, Vidi geus mikawanoh tuts piano saprak umur 3 taun. Dina umur 2,5 taun, manéhna geus ngahontal jawara kadua nyanyi pikeun tingkat kanak-kanak.[2] Jadi saprak di sakola dasar Vidi diandalkeun minangka duta kasenian sakola.[2] Waktu rumaja, Vidi resep pisan kana biola sarta manéhna serius ngaleukeunan pakakas musik éta. Saprak diuk di SMU, Vidi mimitian kagabung dina band.[2] Préstasina di band ditembrakkeunana kalayan meunang jawara kahiji dina 1ncredible Band Festival 2007.[2] Préstasina minangka panyanyi solo ogé ngareueuskeun pisan.[2]
Kalangenan
[édit | édit sumber]- Fotografi sarta mikaresep sagala hal anu aya hubunganana jeung manipulasi poto[2]
- Ngulik komputer nepi ka disebut Computer Freak[2]
- Sagala hal anu aya hubunganana jeung gadget[2]
Fashion Statement
[édit | édit sumber]Classy Messy jeung baju pavorit kaluaran Zara, Top Nga, Metrox[2]
Idola
[édit | édit sumber]- Craig David. Alatan Craig David nyanyi jeung témpo gancang tapi tetep miboga mélodi[2]
- Jason Mraz. Alatan lagu-laguna alus sarta groove pisan[2]
Ritual saméméh Nyanyi
[édit | édit sumber]Ka WC sarta rélaksasi.[2]