Wikipedia:Kawijakan ngédit

Ti Wikipédia, énsiklopédia bébas
Luncat ka: pituduh, paluruh

Teu perlu sampurna[édit sumber]

Alus pisan lamun aya anu nambahan hiji artikel anu lengkep jeung ditulis kalawan alus kana Wikipedia. Ieu hal téh dianjurkeun pisan.

Sanajan kitu, salah sahiji kaunggulan utama sistem Wiki nyaéta draf awal artikel anu teu lengkep atawa ditulis kalawan goreng bisa mekar jadi hiji karya agung anu kapoles jeung pantes dipresentasikeun ngaliwatan prosés ngedit kolaboratif. Hal ieu nyieun pamarekan anu ku urang lakukeun boga kaunggulan dibandingkeun cara lain anu ngahasilkeun produk ahir anu sarupa. Ku sabab kitu, pangiriman draf kasar kudu ogé sabisa-bisa kudu didorong.

Saha baé bisa ngamimitian hiji artikel ku cara, misalna, nyieun gambaran umum kana sababaraha fakta acak. Tuluy jalma séjénna nambahkeun opini minoritas. Jalma séjén ogé bisa ngalengkepan éta artikel ku perspektif lain. Satuluyna, editor séjén bisa ngedalkeun hiji jihat sawangan anu mungkin kaliwat, atawa ngabenerkeun opini awal sangkan jadi leuwih netral sawanganana. Satuluyna jalma séjén bisa boga fakta jeung angka atawa grafik pikeun ditambahkeun, jeung jalma nu séjénna bisa ngoméan kasalahan ejahan jeung tata basa anu muncul dina sababaraha editan samemehna.

Dina waktu éta sakabéh bahan ditambahkeun, sing saha baé bisa mere kontribusi jeung nyusun ulang artikel pikeun dijadikeun hiji beungkeutan anu utuh. Tuluy, leuwih réa bahan anu bisa ditambahkeun, jeung mungkin ogé ditulis ulang, jeung saterusna...

Sapanjang ieu prosés ngedit, éta artikel téh mungkin siga hiji rangkay awal, atawa leuwih parah ti eta, hiji kumpulan catetan jeung fakta acak. Daripada sieun kana éta kakacowan, urang kuduna atoh ningal éta potensi, sarta percaya yén proses ngedit téh bakal nyieun éta artikel jadi hiji prosa anu endah. Tangtu wae, urang teu kudu mikaresep eta; kadang-kadang urang mungkin mere kritik karya anu dihandapeun standar, minangka tambahan ti batan ngan saukur ngoméan. Penting pisan pikeun ngoreksi éta hal, lamun bisa. Pikeun naskah anu teu bisa dipiharep, urang bisa mindahkeun éta bagian kana kaca obrolan éta artikel, atawa, lamun artikelna bener-bener teu bisa ditarima, langsung baé dihapus. Sanajan kitu, kaputusan pikeun nyokot tindakan pamungkas téh teu bisa dicokot kitu bae.

Gaya ngedit[édit sumber]

Umumna mah jalma nu beda mibanda “gaya” ngedit anu beda:

  • Sababaraha urang teu loba ngedit jeung museur (fokus) kana nyieun eusi anyar.
  • Jalma séjénna milih pikeun ngembangkeun “taratas” jeung artikel anu aya.
  • Sababaraha urang leuwih resep ngalakukeun parobahan “copyediting” leuwik (saperti tatabasa, ejahan, klarifikasi, jeung sintaks), jeung ogé nambahkeun tutumbu anyar atawa mindahkeun kaca pikeun mere ngaran anyar tanpa kudu kaleungitan riwayat jeung obrolan dina éta artikel.

Kaludeung[édit sumber]

Crystal Clear app xmag.svg
 Artikel utama: Wikipedia:Ulah_asa-asa_ngédit.

Wikipedia lain forum diskusi[édit sumber]

Hal naon waé anu dipilih ku Anjeun, boh lamun Anjeun mutuskeun pikeun ludeung ngedit atawa nanyakeun dina kaca obrolan heula, omat kudu diinget yén Wikipedia téh lain forum diskusi.

Wikipedia bisa jadi tempat anu enerjik pisan, jeung hal anu panghadéna dina proyek ieu sacara umum lamun urang museurkeun énérgi urang pikeun mekarkeun artikel, lain ngan saukur ngeukeuhan téori, idéologi, agama jrrd. Taya salahna lamun nuturkeun etika.