Rebana
 |
Artikel atawa bagian artikel ieu butuh leuwih loba réferénsi sangkan pasti. Mangga bantos ngédit artikel ieu kalawan nambihkeun réferénsi. |
 |
Sadaya atanapi sabagian artikel ieu perlu diwikifikasi kana standar kualitas Wikipédia. Sadérék tiasa ngabantos ku cara nambihkeun tutumbu jero, atanapi ngarapihkeun susunan artikel ieu. |
Rebana nya éta waditra tepak, pungsina minangka ritme anu sipatna atonal. Rebana atawa anu biasa disebut terebang ieu téh mangrupa waditra anu asup kana pintonan: genjring, gemyung, rudat, tagoni, qosidah, jsté[1]. Asal kecapna tina kecap Arbana/Arbaa anu hartina opat[2].
Daptar eusi |
Istilah [édit]
Rebana kahiji disebut Rebana opat, rebana kadua disebut rebana lima, rebana katilu disebut rebana genep. Sebutan-sebutan ieu ngagabung dina wanda pintonan Ketimpring[2]. Rebana opat biasa disebut bawa, sabab ieu rebana miboga pungsi pikeun mawakeun intro lagu. Rebana lima sok disebut nyikut, sabab rebana ieu miboga pungsi pikeun nyikut garapan rebana opat[2]. Rebana genep disebut nyeling sabab pungsina pikeun nyelingan sora antara rebana opat jeung rebana lima[2].
Bahan jeung rancang wangun [édit]
Waditra terebang dijieun tina bahan kai, biasana ngagunakeun kai sawo jeung kananga[2]. Sedengkeun kulit anu digunakeun nya éta kulit embé jeung kalenci[2]i. Bahan panglengkep séjénna nya éta cét, rotan, paku jeung ranté. Bentukna buleud, diwangun tina sababaraha bagéan: 1)Raray, nya éta bidang hareup anu ditutup kulit; 2)Taktak, nya éta widang gigir anu katutup kulit jeung dipaku sakurilingna; 3)Awak, nya éta bagian awak waditra; 4)Lambé atawa lalambé, nya éta bagian handap waditra[2].
Ajén-ajén [édit]
- Rebana opat, mangrupa lambang anu nunjukkeun yé ngan aya opat prinsip dasar dina ajaran agama Islam anu patali jeung tanggung jawab katut kawajiban manusa, nya éta kawajiban ka Allah S.W.T, lingkungan, ka sasama manusa, jeung diri sorangan;
- Rebana lima, mangrupa lambang anu nunjukkeun yén rukun Islam aya lima;
- Rebana genep, nya éta simbul ti rukun iman nu genep[2].
Cara Maén jeung Bentuk pintonan [édit]
Ieu waditra dimaénkeun ku cara ditepak ku dampal leungeun katuhu, sedengkeun leungeun kénca nyekel terebang. Bagian waditra anu ditepak nya éta bagian rarayna anu dijieun tina kulit pikeun ngahasilkeun sora[2][1]. Waditra terebang biasana digunakeun pikeun mirig lagu-lagu wanda Islami kalayan lirik-lirik anu eusina ngagungkeun kaagungaan Pangéran[2]. Wanda-wanda pintonan terebang diantarana: terebang beluk nu aya di Kadupandak, Kabupatén Cianjur, terebang gedé di Banten[1].
Référénsi [édit]
 |
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |
