Aom Kusman

Ti Wikipédia Sunda, énsiklopédi bébas
Loncat ke navigasi Loncat ke pencarian
Aom Kusman

Radén Kusman Kartanagara, S.H atawa nu leuwih kasohor ku sebutan Aom Kusman (gumelar di Sukabumi, Jawa Kulon, 24 Juni 1946 – tilar dunya di Bandung, Jawa Kulon, 23 Désémber 2011 dina umur 65 taun), nyaéta salah sahiji inohong Sunda.[1] Lahir ti pasangan RMN Kartanagara jeung Gurnita Yuyu nu asalna ti Sumedang.[2]
Riwayat atikanana, SD di Mardiyuwana Sukabumi, SMP di Daya Susila Garut alatan bapana nyekel kalungguhan jadi bupati Garut sarta SMA na dituluykeun di SMAK Garut taun 1965.[2] Tuluy nuluykeun ka Fakultas Hukum Unpad Jurusan Hukum Internasional alatan boga obsési hayang ngurilingan dunya salaku Duta Besar.[2]
Aom salah sahiji inohong nu geus teu ahéng deui keur masarakat Jawa Barat hususna, tur masarakat Indonésia dina umumna.[2] Panata acara jeung pamaén pilem.[1] Mimiti kasohor salaku seniman panggung jeung panata acara sanggeus ilubiung dina “de kabayan” bareng jeung Ibing Kusmayatna sarta Suryana Patah dina taun 1970-an.[1] Loba nagara nu didatangan nalika Aom gabung di "de kabayan" saperti ka Australia, Jepang, Taiwan sarta Korea Selatan.[2] Kungsi maén dina pilem "Apanya Dong?" (1985), "Si Kabayan Saba Kota" (1989), "Si Kabayan dan Gadis Kota" (1990) jeung Gadis Kota (1990).[1][2] Karir Aom salaku seniman kapangaruhan pisan ku pagelaran Gending Karesmen di Garut nu dipingpin ku Rahmatullah Ading Affandie (RAF).[2]
Aom miboga silokaning hirup nu sarua jeung Kang Ebet Kadarusman nyaéta “Hirup kudu alus tungtungna atawa khusnul khotimah".[2]

Referensi[édit | édit sumber]

  1. a b c d Tim Redaksi.2000.Ensiklopedi Sunda Alam, Manusia dan Budaya.Jakarta:Pustaka Jaya dan Yayasan Kebudayaan Rancage
  2. a b c d e f g h Aom Kusman (id) (Diakses tanggal 10 Nopember 2011)


Replace this image male.svg